×

ក្លិប Al Nassr បានអញ្ជើញ Cristiano Ronaldo ចូលរួមពិធីបុណ្យជាតិ

កាលពីពេលថ្មីៗនេះក្លិប Al Nassr បានអញ្ជើញខ្សែប្រយុទ្ធ Cristiano Ronaldo ចូលរួមអបអរសាទរកម្មវិធីបុណ្យជាតិឈប់សម្រាកជាលើកទី២របស់ប្រទេសអារ៉ាប៊ីសាអ៊ូឌីត។

នៅក្នុងកម្មវិធីនោះ គេបានឃើញម្ចាស់ពានរង្វាន់ Ballon d’Or ៥ សម័យ ជាមួយនិងគូស្នេហ៍បានស្លៀកពាក់ឈុតប្រពៃណីអារ៉ាប់ ដោយមានកាន់ដាវបុរាណក្នុងដៃបង្ហាញទឹកមុខយ៉ាងរីករាយផងដែរ។ វីដេអូរូបភាពទាំងនោះក៏ត្រូវបានប្រពន្ធ័ផ្សព្វផ្សាយធំៗ ក៏ដូចជាថ្នាក់ដឹកនាំកំពូលៗក្នុងប្រទេសអារ៉ាប៊ីសាអ៊ូឌីតបានយកបង្ហោះចែកចាយព្រោងព្រាត។

ដោយឡែក កម្មវិធីបុណ្យឈប់សម្រាកនេះគឺដើម្បីរលឹកដល់ព្រះអង្គម្ចាស់ Mohammed bin Saud ដែលទ្រង់ជាអ្នកបង្កើតរដ្ឋអារ៉ាប៊ីសាអ៊ូឌីត និងរាជវង្សអារ៉ាប់ដំបូងតាំងពីឆ្នាំ១៧២៧មកម៉្លេះ។

កម្មវិធីបុណ្យជាតិនេះ ត្រូវបានប្រារព្ធឡើងកាលពីថ្ងៃទី២២ខែកុម្ភៈ ដោយមានការសម្តែងសិល្បៈ វប្បធម៌ ប្រពៃណីជាតិនៅទូទាំងប្រទេស ដែលកម្មវិធីទាំងនេះក៏មានសម្តែងនៅលើកីឡដ្ឋាន Mrsool Park របស់ក្លិប Al Nassr ផងដែរ។

គួររំលឹកថា Cristiano Ronaldo បានផ្លាស់ទៅក្លិប Al Nassr កាលពីខែមករា។ រូបគេរកបាន៥គ្រាប់ក្នុងការបង្ហាញខ្លួន៤ប្រកួត ខណៈដែល Al Nassr បច្ចុប្បន្នកំពុងឈលើកំពូលតារាងក្នុងលីគកំពូល៕

អ្នកអាចចែករំលែកដោយ៖

អត្ថបទទាក់ទង