Everton និង Leeds ត្រូវបានចោទប្រកាន់លើការប្រតាយប្រតប់គ្នា

Premier League
February 24th, 2023 (2 years)
379 Views
Share

Leeds United និង Everton ត្រូវបានចោទប្រកាន់ជុំវិញជម្លោះអំឡុងពេលការប្រកួតនៃក្របខណ្ឌ Premier League របស់ពួកគេកាលពីចុងសប្តាហ៍មុន។

កីឡាករ ៤ នាក់ ទទួលបានកាតលឿង បន្ទាប់ពីការកើតមានឧប្បត្តិហេតុ ពេលជិតបញ្ចប់វគ្គទីមួយនៃការទទួលជ័យជម្នះ ១-០ របស់ Everton ។

ក្លិបទាំងពីរ ត្រូវបានសមាគមបាល់ទាត់អង់គ្លេសចោទប្រកាន់ពីបទប្រព្រឹត្តមិនសមរម្យ និងពីបទមិនគ្រប់គ្រងកីឡាកររបស់ខ្លួន។ ជម្លោះនេះត្រូវបានបង្កឡើងដោយខ្សែបម្រើស្លាប Dwight McNeil របស់ Everton បញ្ចេញប្រតិកម្មខឹងសម្បារចំពោះការប្រជែងយកបាល់ពីខ្សែបម្រើ Tyler Adams ។

McNeil ដែលត្រូវបានសន្តិសុខនាំចេញពីទីលាន និង Adams ទទួលបានកាតលឿង រួមជាមួយនឹង Abdoulaye Doucoure របស់ Everton និង Weston McKennie របស់ Leeds ផងដែរ។

កាលពីថ្ងៃពុធ Everton ទើបតែត្រូវបានពិន័យជាប្រាក់ ២៥០០០ ផោនដោយសមាគមបាល់ទាត់អង់គ្លេស បន្ទាប់ពីការប្រឈមមុខដាក់គ្នាក្នុងអំឡុងពេលប្រកួតជាមួយ Liverpool កាលពីថ្ងៃទី១៣ ខែកុម្ភៈ៕

អត្ថបទទាក់ទង