អតីតកំពូលកីឡាករបាល់ទាត់បារាំង Just Fontaine ទទួលមរណភាពក្នុងវ័យ ៨៩ឆ្នាំ

បាល់ទាត់
March 2nd, 2023 (2 years)
396 Views
Share

អតីតកំពូលកីឡាករបាល់ទាត់ខ្សែប្រយុទ្ធបារាំង លោក Just Fontaine ដែលកាន់កំណត់ត្រាស៊ុតបញ្ចូលទីច្រើនជាងគេចំនួន ១៣គ្រាប់ នៅ World Cup ឆ្នាំ១៩៥៨ បានទទួលមរណភាពហើយក្នុងជន្មាយុ៨៩ឆ្នាំ។

លោក Fontaine បានស៊ុតបញ្ចូលទីចំនួន៣០គ្រាប់ ពីការបង្ហាញខ្លួន២១ដងឱ្យក្រុមបារាំងចន្លោះឆ្នាំ ១៩៥៣ ដល់ ១៩៦០។ នៅឆ្នាំ ១៩៥៨ លោកបានរួមចំណែកយ៉ាងធំក្នុងការជួយបារាំងឱ្យឈានដល់វគ្គពាក់កណ្តាលផ្តាច់ព្រ័ត្រ World Cup ដែលធ្វើឡើងនៅប្រទេសស៊ុយអែត ប៉ុន្តែកាលណោះបារាំង បានត្រឹមចំណា់ថ្នាក់លេខ៣ក្រោយឈ្នះអាល្លឺម៉ង់ខាងកើត៦-៣។

កីឡាករឆ្នើមដែលរកបាន ២៥៩ គ្រាប់ពីការបង្ហាញខ្លួន ២៨៣ ប្រកួតក្នុងអាជីពនោះ Fontaine គឺជាកីឡាករដ៏សំខាន់ម្នាក់របស់ក្រុម Stade de Reims ដោយបានជួយក្រុមឈានដល់វគ្គផ្តាច់ព្រ័ត្រ European Cup ក្នុងឆ្នាំ ១៩៥៩។ Reims ដែលបានឈ្នះជើងឯកក្របខ័ណ្ឌកំពូលរបស់បារាំងចំនួន៣ដងដោយមានវត្តមានរបស់លោក Fontaine នោះ បានចាញ់ក្រុម Real Madrid ២-០។

មរណភាពរបស់លោក Just Fontaine បានធ្វើឱ្យមានការសោកស្តាយជាខ្លាំងក្នុងវិស័យបាល់ទាត់បារាំង ដោយក្នុងនោះ ក្លិបនានាដូចជាក្លិប Paris Saint-Germain ដែលលោកធ្លាប់ដឹកនាំជាគ្រូបង្វឹកកាលឆ្នាំ ១៩៧៣-៧៦ នឹងបានជួយក្លិបឡើងមកកាន់ក្របខណ្ឌ Ligue 1 ក៏បានបង្ហោះសាររំលែកទុក្ខចំពោះការបាត់បង់ជីវិតរបស់លោកដែរ៕

អត្ថបទទាក់ទង

អតីតកំពូលកីឡាករបាល់ទាត់បារាំង Just Fontaine ទទួលមរណភាពក្នុងវ័យ ៨៩ឆ្នាំ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស