Messi ត្រូវបានខ្មាន់កាំភ្លើ ងគំរា មសម្លា ប់

បាល់ទាត់
March 3rd, 2023 (2 years)
695 Views
Share

ប៉ូលិសបាននិយាយថា បុរសពីរនាក់បានបាញ់ប្រហារទៅលើផ្សារទំនើបមួយ ដែលជាកម្មសិទ្ធិរបស់គ្រួសារភរិយារបស់ Lionel Messi ហើយបានបន្សល់ទុកនូវសារគំរាមកំហែងទៅលើម្ចាស់ពានរង្វាន់ Ballon d’Or ៧សម័យរូបនេះផងដែរ។

សារដែលសរសេរដោយដៃសម្រាប់កីឡាករវ័យ ៣៥ឆ្នាំ ត្រូវបានគេប្រទះឃើញនៅមាត់ទ្វារហាង កាលពីថ្ងៃព្រហស្បតិ៍។ សារនោះបានសរសេរថា៖ “Messi ពួកយើងកំពុងរង់ចាំឯង (Pablo) Javkin (អភិបាលក្រុង) ក៏ជា narco (អ្នកជួញដូរគ្រឿងញៀន) គាត់នឹងការពារឯងទេ”។

ហេតុការណ៍នេះ បានកើតឡើងនៅក្នុងទីក្រុង Rosario ដែលស្ថិតនៅចម្ងាយប្រហែល ៣០០ គីឡូម៉ែត្រភាគពាយព្យនៃរដ្ឋធានី Buenos Aires ប្រទេសអាហ្សង់ទីន។

ប៉ូលីសបាននិយាយថា បុរសទាំងពីរនាក់ បានជិះម៉ូតូមួយគ្រឿង បានបាញ់ប្រហាររាប់សិបគ្រាប់ទៅលើហាងឈ្មោះ Unico នៅព្រឹកព្រលឹម។ ប៉ុន្តែមិនមានសេចក្ដីរាយការណ៍ពីទំនាស់រវាងខ្មាន់កាំភ្លើងជាមួយគ្រួសារភរិយារបស់ Messi ឡើយ។

សូមជម្រាបថា Messi បានជួយឱ្យក្រុមជម្រើសជាតិអាហ្សង់ទីនឈ្នះពានរង្វាន់ World Cup លើកដំបូងក្នុងរយៈពេល ៣៦ ឆ្នាំនៅប្រទេសកាតា កាលពីចុងខែធ្នូកន្លងទៅ។ បច្ចុប្បន្ន Messi លេងឱ្យ Paris Saint-Germain ហើយចំណាយពេលនៅក្រៅប្រទេស ហើយគាត់ឧស្សាហ៍ទៅលេងលេងទីក្រុង Rosario នៅក្បែរផ្ទះរបស់គាត់៕

អត្ថបទទាក់ទង

Messi ត្រូវបានខ្មាន់កាំភ្លើ ងគំរា មសម្លា ប់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស