Cristiano Ronaldo ផ្ដល់ជំនួយដល់ជនរងគ្រោះរញ្ជួយដីនៅតួកគីនិងស៊ីរី

បាល់ទាត់
March 8th, 2023 (2 years)
695 Views
Share

ខ្សែប្រយុទ្ធ Cristiano Ronaldo បានចំណាយថវិកាជាច្រើនដើម្បីផ្ដល់ជាអំណោយសប្បុរសធម៌ ដល់ជនរងគ្រោះរញ្ជួយដីនៅប្រទេសស៊ីរី និងតួកគីនាពេលថ្មីៗនេះ។

កីឡាករព័រទុយហ្គាល់បានចំណាយប្រាក់ដើម្បីទិញ តង់ អាហារ ខ្នើយ ភួយ គ្រែ និងការផ្គត់ផ្គង់ផ្នែកវេជ្ជសាស្រ្ត សម្រាប់ជនរងគ្រោះនៅតំបន់ដែលរងផលប៉ះពាល់ ទាំងនៅប្រទេសតួកគី និងស៊ីរី ខណៈអំណោយនេះមានតម្លៃ ៣៥ម៉ឺនដុល្លារ។

វាមិនមែនជាលើកទី១ទេ ដោយកាលពីមុន Ronaldo ក៏បានបង្ហាញចិត្តសប្បុរស ដោយចំណាយប្រាក់ដើម្បីផ្តល់មូលនិធិដល់ការវះកាត់ខួរក្បាលកុមារ និងបរិច្ចាគសម្រាប់មជ្ឈមណ្ឌលមហារីកនៅប្រទេសព័រទុយហ្គាល់ផងដែរ។

Ronaldo ដែលបានបម្រើការជាទូតសុឆន្ទៈសម្រាប់អង្គការជាច្រើនដូចជា Save the Children, UNICEF និង World Vision ជាដើម និងបានបរិច្ចាគប្រាក់ចំនួន ១ លានដុល្លារដល់មន្ទីរពេទ្យព័រទុយហ្គាល់ ក្នុងអំឡុងពេលនៃការរីករាលដាលនៃមេរោគកូវីដ-១៩ ផងដែរ។

សកម្មភាពសប្បុរសចុងក្រោយរបស់ Ronaldo នេះត្រូវបានអ្នកគាំទ្រ និងអ្នកតាមដានទូទាំងពិភពលោកអបអរសាទរជាខ្លាំង ចំពោះសកម្មភាពដ៏ប្រពៃនេះ៕

អត្ថបទទាក់ទង

Cristiano Ronaldo ផ្ដល់ជំនួយដល់ជនរងគ្រោះរញ្ជួយដីនៅតួកគីនិងស៊ីរី

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស