សហព័ន្ធបាល់ទាត់ស៊ីរី ដាក់បម្រាមលើកីឡាករម្នាក់អស់មួយជីវិត

បាល់ទាត់
March 9th, 2023 (2 years)
631 Views
Share

សហព័ន្ធកីឡាបាល់ទាត់ស៊ីរី បានសម្រេចដាក់បម្រាម ទៅលើអតីតប្រធានក្រុមជម្រើសជាតិ ពោលគឺ Ahmed Al-Saleh អស់មួយជីវិត បន្ទាប់ពីកីឡាកររូបនេះបានធាក់ ប្រមាថ និងស្ដោះទឹកមាត់ដាក់អាជ្ញាកណ្តាល។

ខ្សែការពាររបស់ក្រុម Al-Jaish វ័យ ៣៣ ឆ្នាំ បានរិះគន់មន្ត្រីអាជ្ញាកណ្ដាល បន្ទាប់ពីត្រូវបានពិន័យកាតក្រហម ក្នុងការប្រកួតក្របខណ្ឌកំពូលស៊ីរី ជាមួយក្រុម Al-Wathba កាលពីថ្ងៃសុក្រ។

បន្ទាប់ពីបញ្ចេញសកម្មភាពខាងលើ Al-Saleh ត្រូវបានមិត្តរួមក្រុម និងកីឡាកររបស់ក្រុមគូប្រជែងចូលមកឃាត់ផងដែរ។

ក្រោយហេតុការណ៍នេះ គណៈកម្មាធិការវិន័យរបស់សហព័ន្ធបាល់ទាត់ស៊ីរី ក៏បានពិន័យកីឡាករ Al-Saleh និងក្លិបបាល់ទាត់ Al-Jaish ដោយមិនអាចប្តឹងឧទ្ធរណ៍ប្រឆាំងនឹងការផ្តន្ទាទោសនេះបានឡើយ។

សហព័ន្ធបាល់ទាត់ស៊ីរី បាននិយាយថា កីឡាករ Al-Saleh បានបន្តជេរប្រមាថអាជ្ញាកណ្តាលនៅក្នុងបន្ទប់ផ្លាស់សម្លៀកបំពាក់បន្ទាប់ពីការប្រកួត៕

អត្ថបទទាក់ទង

សហព័ន្ធបាល់ទាត់ស៊ីរី ដាក់បម្រាមលើកីឡាករម្នាក់អស់មួយជីវិត

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស