ពានរង្វាន់បាល់ទាត់ពិភពលោកនារី ត្រូវបានដាក់តាំងបង្ហាញនាទីក្រុងសៀងហៃ

បាល់ទាត់
March 10th, 2023 (2 years)
735 Views
Share

ឯកអគ្គរដ្ឋទូតអូស្ត្រាលីប្រចាំនៅប្រទេសចិន លោក Graham Fletcher បានបង្ហាញពានរង្វាន់បាល់ទាត់ពិភពលោកនារី FIFA Women’s World Cup នៅទីក្រុងសៀងហៃ ដែលជាផ្នែកមួយនៃដំណើរទេសចរណ៍របស់ពានរង្វាន់នេះ ទៅកាន់ប្រទេសទាំង ៣២ ដែលចូលរួមការប្រកួត។

ប្រទេសចិន គឺជាប្រទេសចុងក្រោយនៅទ្វីបអាស៊ី ក្នុងដំណើរទេសចរណ៍ពានរង្វាន់បាល់ទាត់ពិភពលោកនារី មុនពេលវាធ្វើដំណើរទៅកាន់ប្រទេសម៉ារ៉ុកនាពេលបន្ទាប់។

នៅក្នុងឱកាសដ៏ពិសេសក្នុងការបង្ហាញពានរង្វាន់នេះ លោក Fletcher បាននិយាយថា៖ “ខ្ញុំរំភើបណាស់ដែលក្រុមបាល់ទាត់ជ្រើសជាតិនារីចិន នឹងទៅប្រកួតនៅប្រទេសអូស្ត្រាលីសម្រាប់បាល់ទាត់ពិភពលោកនារី។ ខ្ញុំសង្ឃឹមថា នេះនឹងពង្រឹងបន្ថែមទៀតនូវទំនាក់ទំនងកីឡា និងស្មារតីវិជ្ជមានរវាងប្រទេសទាំងពីរ។”

ក្រុមបាល់ទាត់ជម្រើសជាតិនារីចិន បានផ្គូផ្គងចូលពូល D រួមជាមួយ អង់គ្លេស ហៃទី និង ដាណឺម៉ាក។

ការប្រកួតពានរង្វាន់បាល់ទាត់ពិភពលោកនារី FIFA Women’s World Cup ឆ្នាំ២០២៣ នឹងធ្វើឡើងចាប់ពីថ្ងៃទី ២០ ខែកក្កដា ដល់ ២០ ខែសីហា ខាងមុខ ដោយមានអូស្ត្រាលី និង នូវែលហ្សេឡង់ ជាសហម្ចាស់ផ្ទះ៕

អត្ថបទទាក់ទង

ពានរង្វាន់បាល់ទាត់ពិភពលោកនារី ត្រូវបានដាក់តាំងបង្ហាញនាទីក្រុងសៀងហៃ

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស