ស្វីសបញ្ចប់ការស៊ើបអង្កេតប្រធាន FIFA ជុំវិញការប្រើយន្តហោះទំនើប

បាល់ទាត់
March 13th, 2023 (2 weeks)
119 Views
Share

រដ្ឋអាជ្ញាស្វីសបានបិទបញ្ចប់ការស៊ើបអង្កេតលើលោក Gianni Infantino ប្រធានសហព័ន្ធបាល់ទាត់ពិភពលោក FIFA ជុំវិញការប្រើប្រាស់យន្តហោះឯកជន អំឡុងឆ្នាំ ២០១៧។

លោក Infantino ត្រូវទទួលការស៊ើបអង្កេត គ្រាដែលលោកបានជួលយន្តហោះឯកជនកាលពីឆ្នាំ២០១៧ ដើម្បីធ្វើដំណើរពីប្រទេសសូរីណាម ទៅកាន់ប្រទេសស្វីស។

ព្រះរាជអាជ្ញាលោក Stefan Keller បានអំពាវនាវឱ្យមានការស៊ើបអង្កេតនេះឡើង ខណៈការស៊ើបអង្កេតនោះទៀតសោត បានចាត់ចូលជាការស៊ើបអង្កេតបែបឧក្រិដ្ឋកម្ម។

យ៉ាងណា ក្រោយការស៊ើបអង្កេតកន្លងមក មិនបានរកឃើញកំហុសឆ្គង ទើបរដ្ឋអាជ្ញាស្វីស បានទម្លាក់ចោលការចោទប្រកាន់ទៅលើលោក Infantino។

បន្ទាប់ពីដំណឹងនៃការទម្លាក់ចោលការស៊ើបអង្កេតនេះ FIFA បានចេញសេចក្តីថ្លែងការណ៍ស្វាគមន៍ ចំពោះការសម្រេចចិត្តនិងបានពន្យល់បកស្រាយទាក់ទងនឹងរឿងនេះបន្ថែមផងដែរ។

សម្រាប់ការបញ្ចប់បញ្ហានេះ ប្រធាន FIFA លោក Infantino ក៏បានសម្រេចចិត្តលះបង់ការទាមទារសំណងណាមួយសម្រាប់ការខូចខាត ដោយលោកគ្រាន់តែទាមទារសម្រាប់ការចំណាយលើផ្លូវច្បាប់ក្នុងរឿងនេះតែប៉ុណ្ណោះ៕

អត្ថបទទាក់ទង