Haaland ត្រូវបានដកចេញពីក្រុមជម្រើសជាតិន័រវែសសម្រាប់វគ្គជម្រុះ Euro 2024 ដោយសាររបួស

Premier League
March 21st, 2023 (4 years)
920 Views
Share

ខ្សែប្រយុទ្ធន័រវែស Erling Haaland នឹងខកខានការប្រកួតជម្រុះ Euro 2024 ជាមួយក្រុមអេស្ប៉ាញ និងហ្សកហ្ស៊ី បន្ទាប់ពីរងរបួសក្រលៀន ក្នុងវគ្គ៨ក្រុមចុងក្រោយពានរង្វាន់ FA Cup រវាង Manchester City ជាមួយ Burnley ។

Haaland ដែលស៊ុតបាន ២១ គ្រាប់ក្នុងការបង្ហាញខ្លួន ២៣ ប្រកួតសម្រាប់ន័រវែស បានបង្ហាញទម្រង់លេងយ៉ាងល្អក្នុងរដូវកាលនេះ ដោយស៊ុតបញ្ចូលទីបាន ៤២ គ្រាប់សម្រាប់ Man City ចាប់តាំងពីផ្ទេរពី Borussia Dortmund កាលពីខែមិថុនាឆ្នាំមុន។

វេជ្ជបណ្ឌិតក្រុមជម្រើសជាតិន័រវែសបាននិយាយថា៖ “បន្ទាប់ពីការធ្វើតេស្ត និងការពិនិត្យកាលពីម្សិលមិញ វាច្បាស់ណាស់ថា គាត់នឹងមិនអាចប្រកួតជាមួយអេស្ប៉ាញ និងហ្សកហ្ស៊ីបានទេ“។

សូមជម្រាបថា ក្រុមន័រវែស ស្ថិតក្នុងពូល A រួមជាមួយសាយប្រឹស ហ្សកហ្ស៊ី ស្កុតឡែន និងអេស្ប៉ាញ៕

អត្ថបទទាក់ទង