ខ្សែបម្រើ Mesut Ozil សម្រេចចិត្តចូលនិវត្តន៍ពីអាជីពបាល់ទាត់

បាល់ទាត់
March 23rd, 2023 (3 years)
938 Views
Share

អតីតខែ្សបម្រើ Arsenal និង Real Madrid កីឡាករ Mesut Ozil បានសម្រេចចិត្តចូលនិវត្តន៍ពីពិភពបាល់ទាត់នៅក្នុងវ័យ៣៤ឆ្នាំ។

Ozil បានឈ្នះពានរង្វាន់ចំនួន៩ អំឡុងពេលប្រកបអាជីពក្លិបរបស់គេ ដែលក្នុងនោះក៏មានពានរង្វាន់ La Liga Copa del Rey, Spanish Super Cup និង FA Cup ផងដែរ។

រូបគេក៏ធ្លាប់បានបង្ហាញខ្លួន៩២ដង និង រកគ្រាប់បញ្ចូលទីបាន២៣គ្រាប់ សម្រាប់ក្រុមជម្រើសជាតិអាល្លឺម៉ង់ និងបានជួយក្រុមក្លាយជាជើងឯកពិភពលោកក្នុងឆ្នាំ ២០១៤។

Ozil បានប្រកាសក្នុងគណនីបណ្ដាញសង្គមខ្លួនថា សម្រេចចិត្តចូលនិវត្តន៍ពីការលេងបាល់ទាត់ហើយចាប់ពីពេលនេះតទៅ ដោយរូបគេបានអរគុណក្លិបនានាដែលខ្លួនធ្លាប់លេងអោយកន្លងមក រួមមាន Schalke, Werder Bremen, Real Madrid, Arsenal, Fenerbahce និង Basaksehir។

រូបគេក៏បានថ្លែងអំណរគុណដល់បណ្ដាគ្រូបង្វឹក មិត្តរួមក្រុម និងជាពិសេសអ្នកគាំទ្រ ដែលតែងផ្ដល់កម្លាំងចិត្តតាំងពីដើមមក។

Mesut Ozil មានអាជីពលេងបាល់ទាត់រយៈពេល ១៧ ឆ្នាំ ក្នុងនោះគេលេងអោយក្លិបសរុប ៦៤៥ប្រកួត និងស៊ុតចូល ១១៤ គ្រាប់ ហើយ ចែកបាល់សម្រេចទីចំនួន ២២២ លើក៕

អត្ថបទទាក់ទង

ខ្សែបម្រើ Mesut Ozil សម្រេចចិត្តចូលនិវត្តន៍ពីអាជីពបាល់ទាត់

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស