អាហ្សង់ទីន ដេញថ្លៃដើម្បីបានសិទ្ធិធ្វើជាម្ចាស់ផ្ទះរៀបចំការប្រកួត FIFA U-20 World Cup 2023

បាល់ទាត់
March 31st, 2023 (1 year)
603 Views
Share

ប្រទេសអាហ្សង់ទីន បានដាក់សំណើជាផ្លូវការដើម្បីធ្វើជាម្ចាស់ផ្ទះការប្រកួតបាល់ទាត់ពិភពលោកអាយុក្រោម ២០ ឆ្នាំ (FIFA U-20 World Cup 2023) បន្ទាប់ពីឥណ្ឌូណេស៊ីត្រូវបានដកហូតសិទ្ធិធ្វើម្ចាស់ផ្ទះ។

ការប្រកួតគ្រោងនឹងចាប់ផ្តើមនៅថ្ងៃទី២០ ខែឧសភា ហើយ FIFA នឹងសម្រេចនៅប៉ុន្មានថ្ងៃខាងមុខនេះ។ លោក Gianni Infantino ប្រធាន FIFA បានសរសើរប្រទេសអាហ្សង់ទីន និងបង្ហាញទំនុកចិត្តថាប្រទេសនេះអាចធ្វើជាម្ចាស់ផ្ទះនៃការប្រកួតនេះបាន។

FIFA បានដកហូតសិទ្ធិធ្វើជាម្ចាស់ផ្ទះរបស់ប្រទេសឥណ្ឌូណេស៊ី បន្ទាប់ពីសហព័ន្ធកីឡាបាល់ទាត់របស់ប្រទេសនេះ បានលុបចោលការចាប់ឆ្នោតការប្រកួត បន្ទាប់ពីអភិបាលកោះបាលីបានបដិសេធការចូលរួមរបស់ក្រុមអ៊ីស្រាអែល។

លោក Eyal Sela ឯកអគ្គរដ្ឋទូតអ៊ីស្រាអែលប្រចាំប្រទេសអាហ្សង់ទីន បានសម្តែងការគាំទ្រចំពោះបេក្ខភាពរបស់ប្រទេសអាហ្សង់ទីន ដោយនិយាយថា ប្រទេសនេះសក្តិសមនឹងទទួលបានសិទ្ធិធ្វើជាម្ចាស់ផ្ទះការប្រកួតក្នុងនាមជាម្ចាស់ជើងឯកពិភពលោក។ លោកបានសម្តែងក្តីសង្ឃឹមថាប្រទេសនេះអាចធ្វើជាម្ចាស់ផ្ទះការប្រកួតបាល់ទាត់ពិភពលោកឆ្នាំ ២០៣០ ផងដែរ៕

អត្ថបទទាក់ទង

អាហ្សង់ទីន ដេញថ្លៃដើម្បីបានសិទ្ធិធ្វើជាម្ចាស់ផ្ទះរៀបចំការប្រកួត FIFA U-20 World Cup 2023

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស