PL Preview៖ Newcastle ប៉ះMan Utd ផ្សាយបន្តផ្ទាល់នៅលើទូរទស្សន៍CTN រាត្រីនេះ

Premier League
April 2nd, 2023 (2 years)
907 Views
Share

ការប្រកួតដ៏ធំមួយក្នុងការប្រជែងដណ្តើមកៅអី Champions League រវាង Newcastle United និង Manchester United នឹងត្រូវធ្វើឡើងនៅយប់នេះ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ ចាប់ពីម៉ោង ១០:២៥ នាទីតទៅ។

ក្រុមរបស់ Eddie Howe ក៏កំពុងស្វែងរកការសងសឹក បន្ទាប់ពីការបរាជ័យនៅវគ្គផ្តាច់ព្រ័ត្រ Carabao Cup ក្រោមថ្វីជើងរបស់ក្រុម Man United ។

ក្រុមម្ចាស់ផ្ទះ Newcastle នឹងមិនមាន Miguel Almiron របួសភ្លៅ ចំណែក Allan Saint-Maximin បានត្រលប់មកហ្វឹកហាត់វិញ។ Nick Pope បានដកខ្លួនចេញពីក្រុមជម្រើសជាតិអង់គ្លេស ខណៈ Anthony Gordon, Ryan Fraser និង Sven Botman ស្ថិតក្នុងការពិចារណារបស់លោក Eddie Howe ។ ដោយឡែក Emil Krafth នឹងត្រូវអវត្តមានរយៈពេលយូរ។

ក្រុមភ្ញៀវ បានប្រកាសថា Marcus Rashford បានចូលហ្វឹកហាត់វិញហើយ បន្ទាប់ពីដកខ្លួនចេញពីកាតព្វកិច្ចនៅក្រុមជម្រើសជាតិអង់គ្លេស។ Marcel Sabitzer, Raphael Varane និង Alejandro Garnacho មានរបួស។ Christian Eriksen, Anthony Martial និង Donny van de Beek ត្រូវអវត្តមានរយៈពេលយូរ។ ចំណែក Casemiro ជាប់ពិន័យកាតក្រហម។

ប្រវត្តិជួបគ្នា ៥ប្រកួតចុងក្រោយ Newcastle មិនធ្លាប់ឈ្នះ Man Utd ឡើយ។ ការប្រកួត២លើកចុងក្រោយបំផុតនៅក្របខណ្ឌ Premier League គឺទទួលបានលទ្ធផលស្មើគ្នាទាំង២លើក។

នេះអាចជាជម្រើស១១នាក់ដំបូងរបស់ Newcastle ដែលអាចប្រើប្រាស់ទម្រង់ ៤-៣-៣ ៖

Nick Pope, Kieran Trippier, Fabian Schar, Sven Botman, Dan Burn, Sean Longstaff, Bruno Guimraes, Joe Willock, Jacob Murphy, Alexander Isak, Joelinton

នេះអាចជាជម្រើស១១នាក់ដំបូងរបស់ Man Utdដែលអាចប្រើប្រាស់ទម្រង់ ៤-២-៣-១ ៖

De Gea; Wan-Bissaka, Varane, Martinez, Shaw; McTominay, Fred; Antony, Fernandes, Rashford; Weghorst

ការទស្សន៍ទាយរបស់ CBS Sports ចំពោះលទ្ធផលរវាងក្រុមទាំងពីរគឺ៖ Newcastle ១-២ Man Utd ៕

អត្ថបទទាក់ទង