ក្លិបធំៗ២នៅ Premier League ត្រៀមប្រជែងគ្នានាំយក Ferland Mendy ពី Real Madrid

Premier League
April 4th, 2023 (2 years)
634 Views
Share

ក្លិប Arsenal និង Manchester City ត្រូវបានរាយការណ៍ថា បានត្រៀមខ្លួនរួចរាល់ហើយ ដើម្បីប្រកួតប្រជែងគ្នា ក្នុងការចុះហត្ថលេខានាំយកខ្សែការពារ Ferland Mendy ពី Real Madrid នៅពេលទីផ្សារដោះដូរកីឡាករ ត្រូវបើកឡើងវិញ នារដូវក្តៅខាងមុខ។

Ferland Mendy បានផ្ទេរមកចូលរួមជាមួយក្លិប Real Madrid ពី Lyon នៅក្នុងឆ្នាំ២០១៩ ហើយបានចូលលេងលើទីលានបានចំនួន ១៣០ ប្រកួត ស៊ុតបាន ៥ គ្រាប់ និង ចែកបាល់សម្រេចទីបានចំនួន ១០ លើកផងដែរ។

យ៉ាងណាមិញ រដូវកាលនេះ កីឡាករសញ្ជាតិបារាំង ហាក់កំពុងជួបប្រទះការលំបាកយ៉ាងខ្លាំង ដោយសារតែប្រឈមមុខជាមួយនឹងបញ្ហារបួសញឹកញាប់ ដែលធ្វើឱ្យគេបង្ហាញខ្លួនបានត្រឹមតែ ២៥ លើកប៉ុណ្ណោះ។

បើទោះមានស្ថានភាពបែបនេះមែន ទាំង Arsenal និង Man City កំពុងចាប់អារម្មណ៍ក្នុងការចុះហត្ថេលខាលើខ្សែការពារថ្មីម្នាក់ នៅរដូវកាលនេះ ខណ: Mendy កំពុងក្លាយជាគោលដៅធំមួយ ដោយក្លិបអង់គ្លេសទាំង ២ គ្រោងនឹងត្រៀមចំណាយរហូតដល់ ៥៣លានផោន សម្រាប់ការចុះហត្ថលេខាលើគេផងដែរ។

ទន្ទឹមនឹងនេះ Real Madrid មានឆន្ទៈក្នុងការលក់ Ferland Mendy ដោយចាត់ទុករូបគេជាផ្នែកមួយដែលអាចផ្តល់ប្រាក់ចំណូលធំសម្រាប់ក្លិប នៅក្នុងទីផ្សាររដូវក្តៅខាងមុខ ៕

អត្ថបទទាក់ទង