Chelsea និង PL ថ្កោលទោសអ្នកគាំទ្រដែលបានប្រមាថលើ Liverpool

Premier League
April 5th, 2023 (2 years)
879 Views
Share

Chelsea បានថ្កោលទោសការប្រមាថរបស់អ្នកគាំទ្រពីកន្លែងអង្គុយទស្សនានៅក្នុងកីឡដ្ឋាន Stamford Bridge ក្នុងការប្រកួតដែលក្រុមតោខៀវស្មើជាមួយ Liverpool ដោយលទ្ធផល ០-០ កាលពីយប់មិញ។

អ្នកគាំទ្រនៅជិតច្រកចូលទៅបន្ទប់ផ្លាស់សម្លៀកបំពាក់ បានស្រែកប្រមាថអ្នកគាំទ្រ Liverpool ទាក់ទងនឹងហេតុការណ៍សោកនាដកម្មជាន់គ្នា Hillsborough ឆ្នាំ១៩៨៩ ដែលបង្កឱ្យមានអ្នកស្លាប់និងរងរបួស។ មិនតែប៉ុណ្ណោះ មានការប្រមាថទៅកាន់អតីតខ្សែការពារក្រុម Liverpool លោក Jamie Carragher ទាក់ទងនឹងឧប្បត្តិហេតុមួយក្នុងឆ្នាំ២០១៨ ដែលលោកបានស្ដោះទឹកមាត់ដាក់រថយន្តមួយគ្រឿង។

Chelsea បាននិយាយនៅក្នុងសេចក្តីថ្លែងការណ៍មួយថា៖ “Chelsea FC សូមថ្កោលទោសចំពោះការស្រែកមិនសមរម្យពីអ្នកគាំទ្រមួយចំនួនអំឡុងពេលការប្រកួតល្ងាចនេះ។”
“ការស្រែកជេរប្រមាថមិនអាចកើតឡើងក្នុងបាល់ទាត់បានទេ ហើយយើងសូមទោសអ្នកដែលត្រូវបានប្រមាថ”។

សេចក្តីថ្លែងការណ៍មួយផ្សេងទៀតរបស់ស្ថាប័ន Premier League បានឱ្យដឹងថា៖ “ក្របខណ្ឌ Premier League ថ្កោលទោសចំពោះការប្រមាថនៅក្នុងការប្រកួតយប់នេះរវាង Chelsea និង Liverpool ។

“យើងបន្តចាត់ទុកបញ្ហានេះថាជាបញ្ហាដែលមិនអាចទទួលយកបាន ហើយកំពុងស្វែងរកដំណោះស្រាយលើបញ្ហានេះ ជាអាទិភាព”៕

អត្ថបទទាក់ទង