TuchelដឹកនាំBayernរងបរាជ័យជាលើកដំបូង ធ្លាក់ចេញពីពានរង្វាន់German Cup

បាល់ទាត់
April 5th, 2023 (2 years)
696 Views
Share

ខ្សែប្រយុទ្ធ Lucas Höler របស់ក្លិប Freiburg បានស៊ុតបាល់ប៉េណាល់ទីនៅនាទីចុងក្រោយ ដើម្បីទម្លាក់ Bayern Munich ចេញពីពានរង្វាន់ German Cup កាលពីយប់មិញ ដែលធ្វើឱ្យអ្នកចាត់ការទូទៅថ្មីរបស់ក្រុមយក្សអាល្លឺម៉ង់ ទទួលរងបរាជ័យនៅក្នុងការដឹកនាំប្រកួតដំបូងរបស់ខ្លួន។

បន្ទាប់ពីស្មើ១-១ មានការពិន័យបាល់ប៉ះដៃកីឡាករ Jamal Musiala បានកើតឡើង បន្ទាប់ពីកីឡាករអាល្លឺម៉ង់បានព្យាយាមយកខ្លួនទៅពាំងបាល់។ Höler បានទាត់បញ្ចូលទីក្នុងម៉ោងបន្ថែម ដើម្បីជួយ Freiburg ឱ្យឡើងទៅកាន់វគ្គពាក់កណ្តាលផ្តាច់ព្រ័ត្រ។ វាមិនមែនជារឿងថ្មីរបស់ពួកគេទេ ដោយសារក្លិបនេះបានឈានដល់វគ្គផ្ដាច់ព្រ័ត្រ កាលពីឆ្នាំមុន។

Bayern កំពុងស្វែងរកឈ្នះពានរង្វាន់ German Cup នេះជាលើកដំបូងក្នុងរយៈពេល ៣ ឆ្នាំ។ កាលពីរដូវកាលមុន Borussia Mönchengladbach បានបំបាក់ Bayern ក្នុងលទ្ធផល ៥-០ ក្នុងជើងទីពីរ។

នេះជាការបរាជ័យលើកដំបូងរបស់លោក Thomas Tuchel ក្នុងនាមជាគ្រូបង្វឹកថ្មីរបស់ Bayern ចាប់តាំងពីការចូលកាន់តំណែងបន្តពីលោក Julian Nagelsmann ។ Tuchel ខកចិត្តយ៉ាងខ្លាំង បានប្រាប់ទូរទស្សន៍ក្នុងស្រុកមួយថា៖ “ខ្ញុំមិនដឹងទេថា តើពួកយើងសមនឹងទទួលលទ្ធផលនេះ។” “ការចាញ់គឺមិនល្អទេ វានឹងស្ថិតក្នុងអារម្មណ៍ពួកយើងក្នុងរយៈពេលណាមួយ”។

ក្រុមរបស់ Tuchel ត្រូវជួបជាមួយក្រុម Freiburg ក្នុងការប្រកួបក្របខណ្ឌ Bundesliga មុនពេលទៅជួបក្រុម Manchester City សម្រាប់ជើងទីមួយ នៃវគ្គ៨ក្រុមចុងក្រោយ ក្របខណ្ឌ Champions League ៕

អត្ថបទទាក់ទង

TuchelដឹកនាំBayernរងបរាជ័យជាលើកដំបូង ធ្លាក់ចេញពីពានរង្វាន់German Cup

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស