UEFA នឹងសម្រេចពីអនាគតក្លិប Barcelona ក្នុងពានរង្វាន់ Champions League នៅខែមិថុនា

បាល់ទាត់
April 5th, 2023 (2 years)
692 Views
Share

សហព័ន្ធបាល់ទាត់អឺរ៉ុប UEFA នឹងធ្វើសេចក្ដីសម្រេចចិត្តពីអនាគតរបស់ក្លិប Barcelona ថា ពួកគេត្រូវ ដក ឬ មិនដកក្លិបមួយនេះចេញពីការប្រកួតពានរង្វាន់ UEFA Champions League នៅខែមិថុនាខាងមុខ។

ជាការពិត នៅក្នុងឆ្នាំ២០២៣នេះ មានការចោទប្រកាន់ថា ក្លិបរហស្សនាមអ្នកមានបុណ្យ បានពាក់ព័ន្ធនឹងអំពើពុករលួយ ការសូកប៉ាន់អតីតអនុប្រធានគណៈកម្មការអាជ្ញាកណ្ដាលលោក Jose Maria Enriquez Negreira នូវទឹកប្រាក់ប្រមាណ ៧.៣ លានអឺរ៉ូ ពីឆ្នាំ២០០១ ដល់ឆ្នាំ២០១៨។

លោក Negreira គឺជាអនុប្រធានគណៈកម្មាធិការអាជ្ញាកណ្តាលនៃសមាគមបាល់ទាត់អេស្ប៉ាញពីឆ្នាំ ១៩៩៣ ដល់ឆ្នាំ ២០១៨ ក្រោមការដឹកនាំរបស់ប្រធានលោក Victoriano Sanchez Arminio ។ រយៈពេលពីឆ្នាំ ២០០១ ដល់ ២០១៨ គឺជាពេលវេលាដែល Barcelona ជោគជ័យយ៉ាងខ្លាំង ដោយក្លិបបានឈ្នះពានជាច្រើន។

ក្រោយត្រូវបានចោទប្រកាន់លោក Negreira បដិសេធកំហុសឆ្គង ខណៈ Barcelona បានប្រកាសម្ដងហើយម្ដងទៀតថាខ្លួនមិនបានសូកប៉ាន់អាជ្ញាកណ្ដាល ដើម្បីជួយក្លិបនាពេលលេងការប្រកួតនោះឡើយ។

ក្រោយមានការបែកធ្លាយព័ត៌មាននេះ អាជ្ញាធរអេស្ប៉ាញបានធ្វើការស៊ើបអង្កេតលើរឿងនេះ ហើយ UEFA វិញក៏ប្រកាសស៊ើបអង្កេតរឿងក្ដីដោយខ្លួនឯងផងដែរ។

ប្រភពពី Daily Mail បានឱ្យដឹងថា UEFA ចង់សម្រេចឱ្យបានលឿនៗ ដើម្បីទុកឱកាសឱ្យមានការដោះស្រាយតាមផ្លូវច្បាប់មុនការចាប់ផ្ដើមរដូវកាលថ្មីពាក់កណ្ដាលឆ្នាំ២០២៣នេះ៕

អត្ថបទទាក់ទង

UEFA នឹងសម្រេចពីអនាគតក្លិប Barcelona ក្នុងពានរង្វាន់ Champions League នៅខែមិថុនា

ព្រឹត្តិការណ៍កីឡាអូឡាំពិករដូវក្ដៅ នៅទីក្រុងប៉ារីស