Lampard បញ្ជាក់ពីរឿងតែងតាំងជាគ្រូអចិន្ត្រៃយ៍ ក្រោយចូលដឹកនាំបណ្ដោះអាសន្ននៅChelsea

Premier League
April 7th, 2023 (2 years)
1049 Views
Share

Frank Lampard ត្រូវបានតែងតាំងជាអ្នកចាត់ការទូទៅរបស់ក្រុមតោខៀវ Chelsea ជាបណ្ដោះអាសន្ន រហូតដល់រដូវកាលនៃរដូវកាលនេះ ខណៈគ្រូបង្វឹកវ័យ ៤៤ ឆ្នាំរូបនេះ មិនបានច្រានចោលការទទួលយកតំណែងជាអចិន្ត្រៃយ៍ នៅរដូវកាលក្រោយឡើយ។

នៅសល់ការប្រកួត និងពេលវេលាជាច្រើន អំឡុងខែមេសា និងឧសភា ដើម្បីឱ្យ Lampard បង្ហាញពីសមត្ថភាពរបស់គាត់សាជាថ្មី ទោះបីជាគាត់ត្រូវបានក្លិបនៅទីក្រុងឡុងដ៍បញ្ឈប់ពីការងារម្ដងរួចហើយក៏ដោយ។

ក្នុងពេលបង្ហាញខ្លួនជាផ្លូវការសម្រាប់តំណែងអ្នកចាត់ការទូទៅបណ្ដោះអាសន្ន Lampard បាននិយាយថា៖ “លទ្ធផលនឹងត្រូវបង្ហាញ ខ្ញុំមិនហ៊ានមានទំនុកចិត្តខ្ពស់ពេកទេ។ ខ្ញុំចង់ធ្វើវាឱ្យអស់ពីលទ្ធភាព ដើម្បីជួយក្លិបនៅក្នុងអំឡុងពេលនេះ ហើយពួកយើងនឹងបានឃើញអ្វីដែលកើតឡើងនៅពេលក្រោយ”។

Lampard ត្រូវបានបញ្ឈប់ពីតំណែងនៅ Everton កាលពីខែកុម្ភៈ ដោយសារការដឹកនាំមិនបានល្អ។ អតីតខ្សែបម្រើរបស់ក្រុមតោខៀវរូបនេះ ត្រូវបានដកចេញពីតួនាទីរបស់គាត់ដោយអតីតម្ចាស់ក្លិប Chelsea កាលពីខែមករា ឆ្នាំ២០២១ មុនពេលតែងតាំងលោក Thomas Tuchel ជំនួសវិញ។

Lampard មានកំណត់ត្រាឈ្នះ ៥២.៤% អំឡុងពេលដឹកនាំ Chelsea ក្នុងការប្រកួតសរុបចំនួន ៨៤ ចន្លោះពីឆ្នាំ២០១៩ ដលឆ្នាំ២០២១៕

អត្ថបទទាក់ទង