×

Chelsea បើកការពិភាក្សាជាមួយ Julian Nagelsmann ក្នុងដំណើរការស្វែងរកអ្នកចាត់ការទូទៅថ្មី

Chelsea ត្រូវបានរាយការណ៍ថា បានជួបជាមួយ Julian Nagelsmann ជាលើកដំបូង ខណៈពួកគេកំពុងខិតខំប្រឹងប្រែងក្នុងការស្វែងរកអ្នកចាត់ការអចិន្ត្រៃយ៍ថ្មីនៅមុនរដូវកាលក្រោយ។

ក្រុមតោខៀវ កំពុងព្យាយាមសម្រិតសម្រាំងបញ្ជីឈ្មោះបេក្ខភាពអ្នកចាត់ការទូទៅអចិន្ត្រៃយ៍ ដែលនឹងជំនួសតំណែងលោក Frank Lampard ដែលត្រូវបានតែងតាំងជាគ្រូបង្វឹកបណ្តោះអាសន្នរហូតដល់ចុងបញ្ចប់នៃរដូវកាលនេះ។

កាសែត The Times បានរាយការណ៍ថា នាយកសហកីឡារបស់ Chelsea លោក Paul Winstanley និង Laurence Stewart បានជួបជាមួយលោក Nagelsmann កាលពីថ្ងៃព្រហស្បតិ៍សប្ដាហ៍មុន។

Nagelsmann ត្រូវបានបណ្តេញចេញដោយ Bayern Munich និងជំនួសដោយអតីតគ្រូបង្វឹក Chelsea លោក Thomas Tuchel ត្រឹមតែពីរសប្តាហ៍ មុនពេលក្រុមតោខៀវ បានបញ្ឈប់លោក Graham Potter

អ្នកចាត់ការសញ្ជាតិអាល្លឺម៉ង់រូបនេះ មិនមែនជាបេក្ខភាពតែម្នាក់ដែលត្រូវបានពិចារណាពីថ្នាក់ដឹកនាំនៃកីឡដ្ឋាន Stamford Bridge ឡើយ។ Chelsea បានជួបជាមួយលោក Luis Enrique អតីតអ្នកចាត់ការក្រុមជម្រើសជាតិអេស្ប៉ាញ និងក្លិប Barcelona មុនពេលជួល Lampard

ចំណែកលោក Mauricio Pochettinoអតីតអ្នកចាត់ការ Tottenham Hotspur, លោក Luciano Spalletti របស់ Napoli និងលោក Ruben Amorim គ្រូបង្វឹកក្លិប Sporting CP ក៏ស្ថិតក្នុងបញ្ជីផងដែរ។

ក្លិបដែលមានមូលដ្ឋាននៅទីក្រុងឡុងដ៍ មិនទាន់ស្គាល់ពាក្យថាឈ្នះ ៦ ប្រកួតមកហើយ។ ពួកគេនឹងទទួលក្រុម Real Madrid នៅជើងទី២ វគ្គ៨ក្រុមចុងក្រោយ នៃក្របខណ្ឌ Champions League នៅសប្ដាហ៍នេះ។ ក្រុមរបស់លោក Lampard បានបរាជ័យ ២០ ក្នុងជើងទី១ កាលពីសប្ដាហ៍មុន៕

អ្នកអាចចែករំលែកដោយ៖

អត្ថបទទាក់ទង