Real Madrid ចង់នាំយកខ្សែប្រយុទ្ធ Kai Havertz របស់ក្លិប Chelsea

Premier League
April 26th, 2023 (5 months)
244 Views
Share

មានការរាយការណ៍ថា ក្លិប Real Madrid កំពុងពិចារណាចុះហត្ថលេខាលើខ្សែប្រយុទ្ធ Kai Havertz របស់ក្លិប Chelsea ពេលទីផ្សារដោះដូរកីឡាករបើកឡើងវិញ នារដូវក្តៅខាងមុខ។

Chelsea បាននាំយក Havertz បានមកកាន់ទឹកដី Stamford Bridge កាលពីឆ្នាំ ២០២០ បន្ទាប់ពីបានមើលឃើញគេបង្ហាញទម្រង់លេងដ៏ល្អបំផុតមួយ សម្រាប់ក្លិប Bayer Leverkusen នាអំឡុងពេលនោះ ។

យ៉ាងណាក៏ដោយ នៅរដូវកាលនេះ កីឡាករសញ្ជាតិអាល្លឺម៉ង់វ័យ២៣ឆ្នាំ ហាក់កំពុងជួបប្រទះនូវពេលវេលាដ៏លំបាកមួយ ដោយអាចរកបានត្រឹមតែ ៩ គ្រាប់ ក្នុងការបង្ហាញខ្លួន ៤១ ប្រកួត។ សម្រាប់កុងត្រាបច្ចុប្បន្នរបស់ Kai Havertz គឺនៅសល់តែពេល ២ ឆ្នាំទៀតប៉ុណ្ណោះ។

ដោយឡែក ការផ្សព្វផ្សាយនានាកន្លងមក បានបង្ហាញថា ក្លិប Bayern Munich ហាក់មានចំណាប់អារម្មណ៍ខ្លាំង ក្នុងការចុះហត្ថលេខានាំយក Havertz ទៅកាន់ទឹកដីអាល្លឺម៉ង់វិញ ប៉ុន្តែឥឡូវនេះ ក្លិប Real Madrid ក៏អាចនឹងចូលរួមប្រជែង ដើម្បីនាំយកកីឡាកររូបនេះផងដែរ ។

Real Madrid បច្ចុប្បន្ន ហាក់កំពុងព្យាយាមបន្តកុងត្រាថ្មីបន្ថែមសម្រាប់ Karim Benzema មួយរដូវកាលមួយទៀត តែជាមួយគ្នានោះ ក្លិបនៅលីគកំពូលអេស្ប៉ាញ ក៏បានត្រៀមខ្លួនរួចស្រេច ដើម្បីស្វែងរកជម្រើសថ្មី ក្នុងការមកជំនួសតំណែងកីឡាករបារាំងរយ:ពេលវែង៕

អត្ថបទទាក់ទង