លោក Pep Guardiola ថា ឱកាសឈ្នះជើងឯក Premier League ស្ថិតនៅក្នុងដៃរបស់ Man City

Premier League
April 28th, 2023 (1 year)
668 Views
Share

គ្រូបង្វឹក Man City លោក Pep Guardiola បាននិយាយថា ឱកាសឈ្នះជើងឯកក្របខណ្ឌ Premier League បានស្ថិតនៅក្នុងដៃរបស់ក្រុមខ្លួនហើយ។

ការលើកឡើងរបស់គ្រូបង្វឹកជនជាតិអេស្ប៉ាញ គឺបន្ទាប់ពីក្រុម Man City ទើបតែបានយកឈ្នះក្រុម Arsenal ដោយលទ្ធផល ៤-១ កាលពីពេលថ្មីៗនេះ។

ជ័យជំនះនោះបានធ្វើអោយ Man City កាន់តែបង្កើនឱកាសច្រើនឡើង ក្នុងការការពារតំណែងជើងឯកលីគកំពូលអង់គ្លេស។

ទាក់ទិននឹងរឿងនេះ លោក Pep Guardiola បាននិយាយថា៖ “ការប្រកួតនេះជាប្រកួតសំខាន់ តែមិនមែនជាការប្រកួតសម្រេចយកឈ្នះពាននោះទេ។ យើងលេងបានល្អណាស់។ ខ្ញុំស្គាល់ច្បាស់ពីដៃគូ ដែលយើងលេងទល់ជាមួយ។ ពេលនេះគេនៅតែឈរលើកំពូលតារាង។យ៉ាងណាមិញ ពេលនេះជោគវាសនារបស់យើងគឺស្ថិតក្នុងដៃរបស់យើងហើយ។”

លោក Pep Guardiola បានបន្តថា មុនការប្រកួតប៉ះនឹង Arsenal ក្ដីប្រាថ្នារបស់ Man City ក្នុងការឈ្នះពាន Premier League គឺស្ថិតនៅដៃរបស់ Arsenal ប៉ុន្តែឥលូវអ្វីៗទាំងអស់គឺអាស្រ័យលើកូនក្រុមរបស់លោក។

គិតត្រឹមពេលនេះ Arsenal នៅបន្តឈរកំពូលតារាងពិន្ទុ Premier League ដដែលមាន ៧៥ពិន្ទុ ខណៈ Man City គឺជ័យជំនះនេះ បានធ្វើអោយពួកគេបន្ថយគម្លាតពិន្ទុពី Arsenal ដោយមាន៧៣ពិន្ទុ ប៉ុន្តែក្រុមមេឃខៀវ លេងយឺតជាងដល់ទៅ២ប្រកួតឯណោះ៕

អត្ថបទទាក់ទង