Mason Greenwood បង្ហើបថា អាជីពជាមួយ Man UTD ប្រហែលជាត្រូវបញ្ចប់ហើយ

Premier League
May 2nd, 2023 (3 years)
825 Views
Share

ខ្សែប្រយុទ្ធ Mason Greenwood បានបង្ហើបប្រាប់ថា អាជីពរបស់ខ្លួនជាមួយក្លិប Man UTD ប្រហែលជាត្រូវបានបញ្ចប់ទាំងស្រុងហើយ។

ក្លិប Man UTD បានធ្វើការជូនដំណឹងដល់ Greenwood ថាគេនឹងមិនត្រូវបានអនុញ្ញាតអោយវិលត្រលប់មកហឹ្វកហាត់ជាមួយក្រុម មុនរដូវកាលនេះត្រូវបញ្ចប់នោះឡើយ ។

Greenwood វ័យ ២១ ឆ្នាំ មិនបានលេង Man UTD ចាប់តាំងពីខែមករាឆ្នាំមុនមក បន្ទាប់ពីទទួលរងការចោទប្រកាន់ពីបទរំលោភបំពាន និង ប្រើប្រាស់អំពើហិង្សាលើអតីតមិត្តស្រី ។

យ៉ាងណាក្តី តុលាបានសម្រេចទម្លាក់ការចោទប្រកាន់ទាំងអស់ប្រឆាំងទៅនឹង Greenwood វិញ កាលពីក្នុងខែកុម្ភ: ដែលនេះមានន័យថា រូបគនឹងមានសេរីភាពឡើងវិញ ហើយនៅតែរង់ចាំការអនុញ្ញាតពីក្លិប Man UTD ដើម្បីអាចត្រលប់មកបន្តអាជីពរបស់ខ្លួនឡើងវិញប៉ុណ្ណោះ ។

ប៉ុន្តែ Greenwood ហាក់មានអារម្មណ៍ថា អាជីងរបស់គេនៅក្លិប Man UTD ត្រូវបានបញ្ចប់ទាំងស្រុងទៅហើយ និងកំពុងសម្លឹងរកមើលឱកាស ក្នុងការបន្តអាជីបនៅប្រទេសផ្សេងទៀត៕

អត្ថបទទាក់ទង