លោក ថោង ខុន៖ ពិធីបើក-បិទអាស៊ានប៉ារ៉ាហ្គេម នឹងធ្វើឱ្យបានល្អដូចស៊ីហ្គេម គ្រាន់តែមានទម្រង់ប្លែកគ្នា

ASEAN Para Games
May 31st, 2023 (1 year)
554 Views
Share

លោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មាធិការជាតិ CAMSOC-CAMAPGOC បានមានប្រសាសន៍ថា ពិធីបើកនិងបិទព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ នឹងមានការរៀបចំឱ្យល្អដូចពិធីបើកនិងបិទព្រឹត្តិការណ៍ស៊ីហ្គេមលើកទី៣២ដែរ គ្រាន់តែមានទម្រង់ប្លែកពីគ្នា។

ពិធីបើកព្រឹត្តិការណ៍អាស៊ានប៉ារ៉ាហ្គេមលើកទី១២ ឆ្នាំ២០២៣ ធ្វើឡើងនៅថ្ងៃទី៣ ខែមិថុនា ខណៈពិធីបិទ នឹងប្រព្រឹត្តទៅនាថ្ងៃទី៩ ខែមិថុនា នៅពហុកីឡដ្ឋានជាតិមរតកតេជោ។

លោក ថោង ខុន បានថ្លែងថា សម្រាប់បច្ចេកទេស ភ្លើង សំឡេង គឺដូចនឹងស៊ីហ្គេមដែរ។ ឆ្លើយតបនឹងសំណួរដែលសួរថា តើការរៀបចំពិធិបើកអាស៊ានប៉ារ៉ាហ្គេមមានភាពអស្ចារ្យ និងល្អឯកដូចពេលបើកស៊ីហ្គេមឬអត់នោះ? លោករដ្ឋមន្ត្រីបានបង្ហើបថា វាមានភាពប្លែកពីគ្នា ប៉ុន្តែធានាថា ល្អដូចគ្នា ព្រោះនេះជាលើកដំបូងដែលកម្ពុជាធ្វើជាម្ចាស់ផ្ទះអាស៊ានប៉ារ៉ាហ្គេម៕

កែសម្រួងពី៖ Cambodia 2023

អត្ថបទទាក់ទង