Anthony Martial របស់Man Utd មិនអាចលេងក្នុងការប្រកួតវគ្គផ្ដាច់ព្រ័ត្រ FA Cup

Premier League
May 31st, 2023 (1 year)
774 Views
Share

ខ្សែប្រយុទ្ធ Anthony Martial របស់ Manchester United នឹងខកខានការប្រកួតវគ្គផ្តាច់ព្រ័ត្រ ពានរង្វាន់ FA Cup ទល់នឹង Manchester City ដោយសាររបួសសរសៃពួរ នាថ្ងៃសៅរ៍ ទី៣ ខែមិថុនា នៅកីឡដ្ឋាន Wembley ។

កីឡាករអន្តរជាតិបារាំង បានរងរបួសក្នុងការទទួលជ័យជម្នះ ២-១ លើក្រុម Fulham កាលពីថ្ងៃអាទិត្យនៅ Old Trafford។ ការធ្វើតេស្តបានបង្ហាញថា កីឡាករវ័យ ២៧ ឆ្នាំបានរងរបួសសរសៃពួរ។

Martial ស៊ុតបញ្ចូលទីបាន ៦គ្រាប់ និងបញ្ជូនបាល់ឱ្យមិត្តរួមក្រុមចំនួន ២ លើក ក្នុង ២១ ប្រកួតនៅ Premier League នៅរដូវកាលនេះ។

United ក៏មានការព្រួយបារម្ភពីបញ្ហារបួសលើខ្សែបម្រើស្លាប Antony បន្ទាប់ពីគាត់ត្រូវបានគេប្ដូរចេញ ក្នុងការប្រកួតដែលពួកគេបានយកឈ្នះលើ Chelsea ដោយលទ្ធផល ៤-១ ។

ជ័យជម្នះសម្រាប់ក្រុមបិសាចក្រហមនៅថ្ងៃសៅរ៍ខាងមុខនេះ នឹងធានាបាននូវការឈ្នះពានរង្វាន់ចំនួនពីររបស់ពួកគេ នៅរដូវកាលនេះក្រោយពីបានគ្រងជើងឯកពានរង្វាន់ League Cup កាលពីខែកុម្ភៈ។

Man City ដែលជាជើងឯកក្របខណ្ឌ Premier League រដូវកាលនេះ កំពុងស្វែងរកការឈ្នះពានរង្វាន់ចំនួន៣ ដើម្បីតាមស្មើកំណត់ត្រារបស់ Man Utd ដែលដឹកនាំដោយលោក Sir Alex Ferguson ក្នុងឆ្នាំ១៩៩៩។ City ក៏នឹងលេងនៅវគ្គផ្តាច់ព្រ័ត្រ Champions League នៅខែក្រោយផងដែរ៕

អត្ថបទទាក់ទង