ជុក ភារៈ កីឡាករកម្ពុជាលើវិញ្ញាសា Mobile Legendsក្នុងព្រឹត្តិការណ៍អាស៊ានប៉ារ៉ាហ្គេមលើកទី១២

ASEAN Para Games, E-Sports
June 1st, 2023 (4 months)
284 Views
Share

អ្នកលេង Mobile Legends ភាគច្រើនស្គាល់គាត់ហើយ ក៏មានអ្នកស្គាល់ច្រើនដែរក្នុងបណ្ដាញសង្គម TIKTOK ។ គាត់មានឈ្មោះថា ជុក ភារៈ មានអាយុ ២២ ឆ្នាំ លេង Role: JUNGLER ។

ភារៈ បានជួបគ្រោះថ្នាក់ចរាចរណ៍បណ្ដាលឱ្យបាត់បង់ដៃរបស់គាត់មួយចំហៀង។ កីឡាកររូបនេះ មានសម្ថភាពលេង Mobile legends ត្រឹមដៃមា្ខងប៉ុណ្ណោះ ហើយថែមទាំងលេងខ្លាំងទៀតជាមួយនឹង HERO ដែលពិបាកលេងបំផុតនៅក្នុង Mobile Legends គឺ “Fanny” ហើយគាត់ក៏ជាកីឡាករកំពូលប្រចាំប្រទេសកម្ពុជាជាមួយ Hero នេះផងដែរ។

ក្រុមរបស់ ភារៈ មានសមាជិក ៨នាក់ ក្នុងនោះមានអ្នកចាត់ការទូទៅម្នាក់ គ្រូបង្វឹកម្នាក់ និងកីឡាករចំនួន ៦នាក់។ ភារៈ បានចូលរួមជាកីឡាករតំណាងឱ្យប្រទេសកម្ពុជា ក្នុងព្រឹត្តិការណ៍អាស៊ានប៉ារ៉ាហ្គេមលើកទី១២ ក្នុងវិញ្ញាសា Mobile Legends: Bang Bang នៃកីឡា E-sports នៅថ្ងៃទី៤ និង ៥ ខែមិថុនា ឆ្នាំ២០២៣នេះ។

ប្រទេសចំនួន ៤ នឹងចូលរួមប្រកួតលើវិញ្ញាសា Mobile Legends: Bang Bang រួមមាន ម្ចាស់ផ្ទះកម្ពុជា ថៃ ហ្វីលីពីន និងម៉ាឡេស៊ី។ ការប្រកួតវិញ្ញាសានៃប្រភេទកីឡាអេឡិចត្រូនិកនេះ នឹងធ្វើឡើងនៅទីតាំង Nagaworld 2 ។

E-Sports គឺជាកីឡាដែលត្រូវបានដាក់បញ្ចូលទៅក្នុងព្រឹត្តិការណ៍អាស៊ានប៉ារ៉ាហ្គេមជាលើកដំបូង នៅក្នុងឆ្នាំ២០២៣នេះ។ វាគឺជាប្រភេទកីឡាសម្ដែងតែមួយគត់នៅក្នុងព្រឹត្តិការណ៍២ឆ្នាំម្ដងនេះ៕

អត្ថបទទាក់ទង