អាស៊ានប៉ារ៉ាហ្គេម៖ កីឡាការិនី យិន សូត ឈ្នះមេដាយមាសបន្ថែមសម្រាប់កម្ពុជាក្នុងកីឡាអត្តពលកម្ម

ASEAN Para Games
June 6th, 2023 (2 years)
757 Views
Share

កីឡាការិនី យិន សូត បានឈ្នះមេដាយមាស១គ្រឿង នៅក្នុងប្រភេទកីឡាអត្តពលកម្ម លើវិញ្ញាសារត់ចម្ងាយ ៨០០ម៉ែត្រ T11 នាព្រឹកថ្ងៃទី៦ ខែមិថុនា ឆ្នាំ២០២៣ នៅពហុកីឡដ្ឋានជាតិមរតកតេជោ ក្នុងព្រឹត្តិការណ៍អាស៊ានប៉ារ៉ាហ្គេម លើកទី១២។

កីឡាការិនីកម្ពុជារូបនេះ បានប្រើប្រាស់ថិរវេលា ២.៥៦.៧៤០ ដើម្បីទទួលបានមេដាយមាស ខណៈកីឡាការិនីវៀតណាម Nguyen Kim Xuyen ទទួលបានមេដាយប្រាក់ ដោយប្រើប្រាស់ថិរវេលា ៣.០៥.៤៦០។

គិតត្រឹមម៉ោង១០:១៥នាទីព្រឹកថ្ងៃទី៦មិថុនា កម្ពុជា ទទួលបានមេដាយមាស ៤គ្រឿង មេដាយប្រាក់ ១០គ្រឿង និងមេដាយសំរឹទ្ធ ១២ គ្រឿង។ ឥណ្ឌូណេស៊ី នៅតែបន្តនាំមុខគេក្នុងតារាងមេដាយសរុប ដោយមានមេដាយមាស ៦៥គ្រឿង ប្រាក់៥៣គ្រឿង និងសំរឹទ្ធ ៣៨គ្រឿង៕

អត្ថបទទាក់ទង