Liverpool នាំយកខ្សែបម្រើ Alexis Mac Allister ពី Brighton តម្លៃ ៥៥លានផោន

Premier League
June 9th, 2023 (2 years)
710 Views
Share

ក្លិប Liverpool បានបំពេញការនាំយកខ្សែបម្រើ Alexis Mac Allister ពីក្លិប Brighton ដោយចុះកិច្ចសន្យារយៈពេល៥ឆ្នាំ។

តម្លៃនៃការផ្ទេរកីឡាករអាហ្សង់ទីន វ័យ២៤ឆ្នាំ មានតម្លៃ ៣៥លានផោន ហើយវាអាចកើនឡើងដល់ ៥៥ លានផោន សម្រាប់កីឡាករដែលបានជួយឱ្យ Brighton បញ្ចប់ក្នុងចំណាត់ថ្នាក់ទី ៦ ក្នុងក្របខណ្ឌ Premier League នៅរដូវកាលនេះដើម្បីមានសិទ្ធិសម្រាប់ការប្រកួតពានរង្វាន់ទ្វីបអឺរ៉ុបជាលើកដំបូង។

Alexis Mac Allister ជាកីឡាករបង្គោលសម្រាប់ Brighton ដោយបានបង្ហាញខ្លួន ១១២ដង និងស៊ុតចូល ២០គ្រាប់និងជួយឱ្យក្លិបនេះឈរលេខ ៦ នៅ Premier League។

បន្ថែមពីការងារជាមួយក្លិប Brighton ហើយ Mac Allister ក៏ជួយអោយអាហ្សង់ទីនឈ្នះពានរង្វាន់បាល់ទាត់ពិភពលោក FIFA World Cup នៅប្រទេសកាតាកាលពីឆ្នាំ២០២២ផងដែរ។

Mac Allister គឺជាការចុះហត្ថលេខាលើកដំបូងរបស់ Liverpool នូវអ្វីដែលគេរំពឹងថានឹងក្លាយជាទីផ្សារដោះដូរកីឡាករដ៏មមាញឹកនៅ Anfield ក្រោមការដឹកនាំរបស់លោក Jorg Schmadtke នាយកកីឡាថ្មី។

បន្ថែមពីនេះ គ្រូបង្វឹក Liverpool លោក Juergen Klopp នឹងមានបំណងកែប្រែខ្សែបម្រើកណ្តាលឡើងវិញ បន្ទាប់ពីការចាកចេញរបស់ James Milner, Alex Oxlade-Chamberlain និង Naby Keita នៅចុងបញ្ចប់នៃកិច្ចសន្យារបស់ពួកគេនៅរដូវក្តៅខាងមុខនេះ៕

អត្ថបទទាក់ទង