ក្លិប Man UTD អាចនឹងធ្វើការប្រកាសម្ចាស់ថ្មីនៅសប្តាហ៍នេះ

Premier League
June 13th, 2023 (1 year)
724 Views
Share

ក្លិប Man UTD គ្រោងនឹងទទួលបានម្ចាស់ក្លិបថ្មី ក្រោយការដេញថ្លៃចុងក្រោយបានបិទបញ្ចប់ ហើយអាចនឹងត្រូវប្រកាសនៅសប្តាហ៍នេះ។

ម្ចាស់ក្លិប Man UTD ដែលជាគ្រួសារ The Glazer បានដាក់លក់ក្លិបនេះជាលើកដំបូងនៅក្នុងខែវិច្ឆិកា ឆ្នាំ២០២២។ បន្ទាប់ពីការដេញថ្លៃ និងការចរចាជាច្រើនខែ សារពត៌មាន Daily Mail បានរាយការណ៍ថា ម្ចាស់ក្លិបថ្មីអាចនឹងត្រូវបានប្រកាសនៅក្នុងសប្តាហ៍នេះតែម្ដង។

កិច្ចព្រមព្រៀងនេះ គឺនឹងរៀបចំឡើងដោយក្រុមហ៊ុន Raine Group ដែលជាធនាគារពាណិជ្ជរបស់សហរដ្ឋអាមេរិក ហើយព្រះអង្គម្ចាស់នៃប្រទេសកាតា Sheikh Jassim bin Hamad al-Thani និងមហាសេដ្ឋីអង់គ្លេសលោក Jim Ratcliffe កំពុងបញ្ចប់ព័ត៌មានលម្អិតនៃកិច្ចព្រមព្រៀងនេះ។

ទោះបីជាមហាសេដ្ឋី Sheikh Jassim ប្រកាសថាការផ្តល់ជូនលើកទី៥ របស់ខ្លួន ដែលនៅតែមិនឆ្លើយតបទៅនឹងការចង់បានរបស់ក្រុមគ្រួសារ The Glazer ក្នុងតម្លៃចំនួន ៦ ពាន់លានផោន ប៉ុន្តែ មហាសេដ្ឋីកាតាបានដាក់សំណើដែលប្រសើរក្នុងសប្តាហ៍នេះ។

លោក Sheikh Jassim កំពុងស្វែងរកទិញភាគហ៊ុនក្លិបនេះ ១០០ ភាគរយតែម្ដង ហើយវាត្រូវបានគេជឿថាការផ្តល់ជូនរបស់លោកចុងក្រោយក្នុងតម្លៃប្រហែល ៥ ពាន់លានផោន។ ចំណែកឯការផ្តល់ជូនពីក្រុមហ៊ុនរបស់លោក Ratcliffe Ineos គឺចង់ទិញត្រឹមតែ ៦០ ភាគរយនៃភាគហ៊ុនក្លិបប៉ុណ្ណោះ ហើយភ្ជាប់មកជាមួយសំណើដែលនឹងអនុញ្ញាតឱ្យសមាជិកនៃគ្រួសារ Glazer ដែលមិនមានប្រជាប្រិយភាពជាមួយនឹងអ្នកគាំទ្ររបស់ Man UTD កាន់កាប់ភាគហ៊ុនមួយផ្នែកបន្តទៀត៕

អត្ថបទទាក់ទង