Man City ទិញបានខ្សែបម្រើ Mateo Kovacic ពី Chelsea

Premier League
June 22nd, 2023 (2 years)
612 Views
Share

Mateo Kovacic នឹងចូលរួមជាមួយ Manchester City បន្ទាប់ពីពួកគេបានយល់ព្រមលើកិច្ចព្រមព្រៀងជាមួយ Chelsea ដែលមានតម្លៃរហូតដល់ទៅ ៣០ លានផោន។

ខ្សែបម្រើសញ្ជាតិក្រូអាតវ័យ ២៩ ឆ្នាំគ្រោងនឹងចូលរួមជាមួយក្រុមជើងឯកនៃក្របខណ្ឌ Premier League ក្នុងតម្លៃដំបូង ២៥ លានផោន ជាមួយនឹងប្រាក់បន្ថែមចំនួន ៥ លានផោន។

Chelsea កំពុងបន្តលក់កីឡាកររបស់ខ្លួន ខណៈពួកគេកាត់បន្ថយថ្លៃចំណាយក្នុងក្រុម សម្រាប់អ្នកចាត់ការថ្មី Mauricio Pochettino ។ ជាក់ស្ដែង ខ្សែបម្រើ N’Golo Kante បានយល់ព្រមទៅចូលរួមជាមួយក្រុម Al-Ittihad ក្នុងប្រទេសអារ៉ាប៊ីសាអ៊ូឌីត។

Kovacic បានចូលរួមជាមួយ Chelsea ពីក្លិប Real Madrid កាលពីឆ្នាំ២០១៩ ដោយលក្ខខណ្ឌខ្ចីជើងមុនពេលចុះកិច្ចសន្យាអចិន្ត្រៃយ៍រយៈពេល ៥ ឆ្នាំ។ កាលចូលរួមរបស់ Kovacic គឺបន្ទាប់ពី Ilkay Gundogan ចូលរួមជាមួយក្លិប Barcelona នៅពេលដែលកិច្ចសន្យារបស់គាត់ផុតសុពលភាពនៅចុងខែមិថុនានេះ។

Kovacic បានបង្ហាញខ្លួនចំនួន ៣៧ ប្រកួតនៅគ្រប់កម្មវិធីប្រកួតទាំងអស់សម្រាប់ Chelsea កាលពីរដូវកាលមុន ដែលបញ្ចប់ក្នុងចំណាត់ថ្នាក់លេខ ១២ ក្នុងក្របខណ្ឌ Premier League ។ ប៉ុន្តែគេក៏ជាផ្នែកមួយនៃក្រុម Chelsea ដែលបានឈ្នះពានរង្វាន់ Champions League ក្នុងឆ្នាំ២០២១ ក្នុងការឈ្នះ Man City នៅវគ្គផ្ដាច់ព្រ័ត្រ។

ក្នុងកម្រិតអន្តរជាតិ Kovacic បានបង្ហាញខ្លួន ៩៥ លើកសម្រាប់ក្រុមជម្រើសជាតិក្រូអាត ខណៈក្រូអាត បានបញ្ចប់ក្នុងចំណាត់ថ្នាក់លេខ៣ នៅព្រឹត្តិការណ៍ FIFA World Cup 2022 ៕

អត្ថបទទាក់ទង