ខ្សែប្រយុទ្ធ Nicolas Jackson ពិនិត្យសុខភាពជោគជ័យនៅ Chelsea

Premier League
June 26th, 2023 (2 years)
550 Views
Share

ខ្សែប្រយុទ្ធសេណេហ្គាល់ Nicolas Jackson បានបញ្ចប់ការពិនិត្យសុខភាពមុនការផ្ទេរទៅក្រុម Chelsea ពីក្រុម Villarreal ក្នុងតម្លៃ ៣៥លានអឺរ៉ូ។

Jackson បានក្លាយជាគោលដៅសំខាន់សម្រាប់ Chelsea នៅរដូវក្តៅនេះ ខណៈក្រុមតោខៀវ កំពុងពង្រឹងតំបន់ប្រយុទ្ធរបស់ពួកគេឡើងវិញ ក្រោយបានចុះហត្ថលេខាជាមួយកីឡាករ Christopher Nkunku ពីក្រុមអាល្លឺម៉ង់ RB Leipzig រួចហើយ។

Jackson ស៊ុតបញ្ចូលទីបាន ១៣ គ្រាប់ និងបញ្ជូនបាល់ឱ្យមិត្តរួមក្រុមចំនួន ៥ ដងសម្រាប់ Villarreal នៅគ្រប់កម្មវិធីប្រកួតទាំងអស់ ហើយការបញ្ជាក់ជាផ្លូវការនៃការផ្ទេររបស់គេទៅកាន់កីឡដ្ឋាន Stamford Bridge ត្រូវបានគេរំពឹងទុកថានឹងកើតឡើងក្នុងប៉ុន្មានថ្ងៃខាងមុខ។

Chelsea បានស្វែងរកខ្សែប្រយុទ្ធកណ្ដាល ដើម្បីដោះស្រាយបញ្ហាកង្វះគ្រាប់បាល់។ ខ្សែប្រយុទ្ធចុងក្រោយដែលរកបាន ២០គ្រាប់ក្នុងមួយរដូវកាលសម្រាប់ Chelsea គឺកីឡាករ Diego Costa កាលពី ៦ឆ្នាំមុន៕

អត្ថបទទាក់ទង