Tottenham Hotspur ទិញបានខ្សែបម្រើ James Maddison ពី Leicester City

Premier League
June 29th, 2023 (1 year)
337 Views
Share

ក្លិប Tottenham Hotspur បានចុះហត្ថលេខាលើខ្សែបម្រើ James Maddison ពីក្លិប Leicester City ដែលត្រូវបានកាត់ចោលទៅលីគទី២ លើកិច្ចសន្យារយៈពេលប្រាំឆ្នាំ។ នេះបើយោងតាមការប្រកាសអោយដឹងពីក្លិបនាក្របខណ្ឌ Premier League កាលពីពេលថ្មីៗនេះ។

Spurs បានចំណាយ ៤០ លានផោន សម្រាប់កីឡាករវ័យ ២៦ ឆ្នាំដែលបានស៊ុតបញ្ចូលទី ៥៥ គ្រាប់និងចែកបាល់សម្រេចទី៤១ដងពីការបង្ហាញខ្លួន២០៣ដងក្នុងការប្រកួតទាំងអស់ក្នុងអំឡុងពេល ៥ រដូវកាលជាមួយ Leicester City ។ James Maddison ក៏បានរួមចំណែកជួយ Leicester City ទទួលបានជ័យជំនះពានរង្វាន់ FA Cup ក្នុងឆ្នាំ ២០២១ ផងដែរ។

កីឡាករអន្តរជាតិអង់គ្លេសគឺជាកីឡាករមួយរូបក្នុងចំណោម៧រូប ដែលចាកចេញពី Leicester City នៅក្នុងខែមិថុនានេះ ហើយរូបគេគឺជាកីឡាករទីបីដែលចូលរួមជាមួយ Spurs ចាប់តាំងពីការតែងតាំងលោក Ange Postecoglou ជាគ្រូបង្វឹក។

មុនចូលរួមជាមួយ Tottenham Hotspur នេះដែរ James Maddison បានទទួលការចាប់អារម្មណ៍យ៉ាងខ្លាំងពី ក្លិប Newcastle United ប៉ុន្តែចុងក្រោយ ក្លិបសារិកាព្រៃបានប្តូរគោលដៅទៅខ្សែបម្រើ Sandro Tonali របស់ AC Milan ទៅវិញ៕

អត្ថបទទាក់ទង