គ្រូArsenalថា Kai Havertzត្រូវការពេលវេលាបន្ថែមដើម្បីសម្របខ្លួន

Premier League
July 14th, 2023 (2 years)
633 Views
Share

លោក Mikel Arteta អ្នកចាត់ការក្រុមកាំភ្លើងធំ Arsenal បាននិយាយថា គាត់នឹងរង់ចាំមើលការសម្របខ្លួនរបស់ Kai Havertz ដែលបានផ្ទេរពី Chelsea ក្នុងតម្លៃ ៦៥ លានផោន នៅក្នុងទីផ្សារដោះដូរកីឡាករមុនបើករដូវកាលថ្មីនេះ។

ខ្សែប្រយុទ្ធអាល្លឺម៉ង់រូបនេះ បានបង្ហាញខ្លួនជាលើកដំបូង ក្នុងនាមជាកីឡាករបម្រុងក្នុងការប្រកួតមិត្តភាពមុនបើករដូវកាល ដោយ Arsenal បានប្រកួតស្មើជាមួយក្រុម Nuremberg ក្នុងលទ្ធផល ១–១។ លោក Arteta បានឱ្យដឹងដូច្នេះថា អ្វីៗអាស្រ័យលើពេលវេលា សម្រាប់ Havertz ថាតើគេអាចលេងនៅទីតាំងណាដែលល្អបំផុតសម្រាប់ក្រុម។

ក្នុងការប្រកួតនេះ Bukayo Saka បើកការស៊ុតបញ្ចូលទីនៅនាទីទី៤ នៅកីឡដ្ឋាន Max Morlock មុនពេល Jorginho បង្កកំហុសធ្វើឱ្យបាល់ចូលទីខ្លួនឯង ដើម្បីផ្ដល់គ្រាប់បាល់តាមស្មើសម្រាប់ក្រុមម្ចាស់ផ្ទះ។

សារព័ត៌មាន BBC បានរាយការណ៍ថា Arsenal នឹងបញ្ចប់ការចុះហត្ថលេខាលើខ្សែបម្រើ West Ham វ័យ ២៤ ឆ្នាំ និងខ្សែបម្រើអង់គ្លេស Declan Rice ក្នុងតម្លៃ ១០៥ លានផោននៅសប្ដាហ៍នេះ។ ការផ្ទេរពី West Ham ត្រូវបានយល់ព្រមកាលពីខែមុន ប៉ុន្តែមានបញ្ហាឯកសារពីមេធាវីរបស់ក្រុម Arsenal ។

ក្រុមរបស់លោក Arteta នឹងធ្វើដំណើរទៅកាន់ទីក្រុងវ៉ាស៊ីនតោននៅថ្ងៃអាទិត្យ សម្រាប់ការចាប់ផ្តើមដំណើរទស្សនកិច្ចនៅសហរដ្ឋអាមេរិក ដែលពួកគេនឹងមានការប្រកួតចំនួន៣ នៅទីនោះ។

ក្រុមកាំភ្លើងធំចាប់ផ្តើមយុទ្ធនាការ Premier League របស់ពួកគេជាមួយនឹងក្រុម Nottingham Forest នៅកីឡដ្ឋាន Emirates នាពាក់កណ្ដាលខែសីហា៕

អត្ថបទទាក់ទង