Luton Town ធ្វើដំណើរទៅកាន់កីឡដ្ឋាន American Express Community សម្រាប់ការប្រកួតក្របខណ្ឌ Premier League លើកដំបូងមិនធ្លាប់មានរបស់ពួកគេទល់នឹង Brighton ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ ចាប់ពីម៉ោង៨:៥៥នាទីយប់នេះតទៅ។
ក្រុមទាំងពីរ នឹងជួបគ្នាជាលើកដំបូងចាប់តាំងពីរដូវកាល ២០០៧-០៨ នៅពេលដែលក្រុមទាំងពីរប្រកួតប្រជែងក្នុងក្របខណ្ឌ League One ដោយ Brighton បានយកឈ្នះទាំងការប្រកួតក្នុងដី និងក្រៅដី ដោយពិន្ទុសរុប ៩-២។
Brighton នឹងត្រូវអវត្តមានខ្សែបម្រើសំខាន់ Moises Caicedo ដែលបានខកខានការហ្វឹកហាត់ក្នុងសប្តាហ៍នេះ បន្ទាប់ពីមានការចាប់អារម្មណ៍យ៉ាងខ្លាំងពី Chelsea និង Liverpool ។ កីឡាករចំណូលថ្មី Verbruggen អាចនឹងស្ថិតនៅកៅអីបម្រុង។
សម្រាប់ Luton, Jordan Clark និង Daniel Potts ត្រូវបានបញ្ជាក់ថានឹងអវត្តមានប៉ុន្មានសប្តាហ៍ បន្ទាប់ពីពួកគេបានរងរបួសកជើង នៅក្នុងការប្រកួតមិត្តភាពជាមួយ Bochum កាលពីចុងសប្តាហ៍មុន។ ខ្សែការពារកណ្តាល Reece Burke និង Gabriel Osho មានរបួសផងដែរ។
នេះអាចជាជម្រើស១១នាក់ដំបូងរបស់ Brighton ដែលអាចប្រើប្រាស់ទម្រង់ ៤-២-៣-១ ៖
Steele; Gross, Webster, Dunk, Estupinan; Gilmour, Dahoud; March, Pedro, Mitoma; Welbeck
នេះអាចជាជម្រើស១១នាក់ដំបូងរបស់ Luton Town ដែលអាចប្រើប្រាស់ទម្រង់ ៣-៥-២ ៖
Kaminski; Andersen, Lockyer, Bell; Kabore, Mpanzu, Nakamba, Berry, Giles; Adebayo, Morris
CBS Sports ទស្សន៍ទាយថាលទ្ធផលរវាងក្រុមទាំងពីរគឺ៖ Brighton ១-០ Luton Town ៕