ក្លិប Al-Nassr ចាប់អារម្មណ៍លើអ្នកចាំទី Liverpool

Premier League
August 16th, 2023 (1 year)
709 Views
Share

ក្លិបអារ៉ាប៊ីសាអ៊ូឌីត Al-Nassr ត្រូវបានរាយការណ៍ថាបានបង្ហាញការចាប់អារម្មណ៍លើអ្នកចាំទី Alisson Becker របស់ក្លិប Liverpool ដើម្បីនាំយករូបគេទៅចូលរួមជាមួយ Cristiano Ronaldo និង Sadio Mane ។

ក្លិបមកពីក្របខណ្ឌ Saudi Pro League នេះ បានចាប់អារម្មណ៍យ៉ាងខ្លាំងលើអ្នកចាំទីប្រេស៊ីល ដែលមានវ័យ ៣០ឆ្នាំរូបនេះ។ បន្ទាប់ពីការចាកចេញរបស់ Jordan Henderson, Fabinho, Roberto Firmino ទៅកាន់ក្របខណ្ឌអារ៉ាប៊ីសាអ៊ូឌីតកាលពីពេលកន្លងទៅ ក្រុមរបស់លោក Jurgen Klopp កំពុងរងការគំរាមកំហែងពីការបាត់បង់សមាជិកម្នាក់បន្ថែមទៀត។

ការបាត់បង់សមាជិកជាច្រើន ហើយបាននាំសមាជិកថ្មីត្រឹមតែ ២នាក់ រួមមាន Alexis Mac Allister និង Dominik Szoboszlai បានបង្កក្ដីបារម្ភសម្រាប់ក្រុមហង្សក្រហមនៅក្នុងទីផ្សារដោះដូរកីឡាករលើកនេះ។

Liverpool បានប្រកួតស្មើគ្នាជាមួយ Chelsea ១-១ នៅកីឡដ្ឋាន Stamford Bridge កាលពីចុងសប្ដាហ៍មុន។ ពួកគេនឹងទទួលក្រុមភ្ញៀវ AFC Bournemouth នៅកីឡដ្ឋាន Anfield នៅក្នុងការប្រកួតក្នុងដីជាលើកដំបូងក្នុងរដូវកាលថ្មីនេះ ដែលក៏នឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV នាថ្ងៃសៅរ៍ ទី១៩ ខែសីហា វេលាម៉ោង ៨:៥៥ នាទីយប់តទៅផងដែរ៕

អត្ថបទទាក់ទង