ខ្សែការពារថ្មី Jurrien Timber របស់Arsenal តម្រូវឱ្យទទួលការវះកាត់របួសជង្គង់

Premier League
August 18th, 2023 (2 years)
591 Views
Share

ក្រុមកាំភ្លើងធំ Arsenal បានបញ្ជាក់ថា ខ្សែការពារ Jurrien Timber បានរងរបួសរហែកសរសៃជង្គង់ ACL អំឡុងពេលការប្រកួតក្នុងក្របខណ្ឌ Premier League ជាមួយ Nottingham Forest កាលពីសប្ដាហ៍មុន ហើយនឹងត្រូវទទួលការវះកាត់ដែលអាចឱ្យរូបគេមិនអាចចូលទីលានប្រកួតបានក្នុងរយៈពេលយូរ។

ខ្សែការពារដែលបានផ្ទេរពីក្រុម Ajax នៅក្នុងទីផ្សារដោះដូរកីឡាករដើមរដូវកាលថ្មីនេះ បានរងរបួសខ្លួនឯង ពេលប្រជែងជាមួយកីឡាករ Brennan Johnson នៅចុងវគ្គទីមួយ។ ទោះបីជារូបគេបានបន្តចាប់ផ្តើមតង់ទីពីរក៏ដោយ ក៏រូបគេមិនអាចទ្រាំនឹងរបួសបានឡើយ និងត្រូវបានប្ដូរចេញនៅនាទីទី៥០។

សេចក្តីថ្លែងការណ៍របស់ក្លិបបាននិយាយថា៖ “បន្ថែមលើការវាយតម្លៃលម្អិតជាមួយអ្នកឯកទេសតាំងពីថ្ងៃសៅរ៍មក យើងអាចបញ្ជាក់បានថា Jurrien Timber បានរងរបួសសរសៃជង្គង់នៅលើជង្គង់ខាងស្តាំរបស់គាត់”។

“Jurrien នឹងទទួលការវះកាត់នៅប៉ុន្មានថ្ងៃខាងមុខនេះ ហើយនឹងអវត្តមានក្នុងរយៈពេលជាក់លាក់មួយ”៕

អត្ថបទទាក់ទង