Gerrard ច្រានចោលការផ្ទេរMason Greenwood ទៅក្លិប Al Ettifaqនៅអារ៉ាប៊ីសាអ៊ូឌីត

Premier League
August 23rd, 2023 (1 year)
570 Views
Share

លោក Steven Gerrard បានបញ្ជាក់ថាក្លិប Al Ettifaq មិនបានទាក់ទងខ្សែប្រយុទ្ធ Mason Greenwood របស់ Man United ដើម្បីនាំយករូបគេមកកាន់ក្របខណ្ឌ Saudi Pro League ឡើយ បន្ទាប់ពីក្រុមបិសាចក្រហម បានធ្វើការសម្រេចចិត្តលើអនាគតរបស់កីឡាករអង់គ្លេសរូបនេះ កាលពីថ្ងៃចន្ទ។

Man United បានសម្រេចចិត្តថា Greenwood នឹងមិនអាចបន្តអាជីពរបស់គេជាមួយក្លិបពួកគេបានឡើយ ហើយនឹងត្រូវចាកចេញពីកីឡដ្ឋាន Old Trafford ក្នុងពេលឆាប់ៗនេះ ដើម្បីទៅលេងបាល់ទាត់នៅកន្លែងផ្សេង។

ក្លិបជាច្រើននៅអង់គ្លេស ទំនងជាមិនពាក់ព័ន្ធនឹងការផ្ទេរកីឡាករវ័យ ២១ ឆ្នាំនេះទេ បន្ទាប់ពីមានរឿងអាស្រូវតាំងពីខែមករា ឆ្នាំ២០២២ ប៉ុន្តែមានពាក្យចចាមអារ៉ាមអំពីការផ្ទេរទៅកាន់ក្លិបអារ៉ាប៊ីសាអ៊ូឌីត Al Ettifaq ។ ជុំវិញការលើកឡើងនេះ លោក Steven Gerrard ដែលជាវីរបុរស Liverpool កំពុងដឹកនាំក្រុម Al Ettifaq បានឆ្លើយតបទៅនឹងពាក្យចចាមអារ៉ាមនេះថា វាជាព័ត៌មានក្លែងក្លាយ ។

មានសេចក្ដីរាយការណ៍ថា ប្រភពជិតស្និទ្ធនឹងក្រុមនៅក្របខណ្ឌ Saudi Pro League មានបំណងផ្ទេរ Greenwood ជាមួយនឹងការផ្ដល់ជូនថ្លៃនឿយហត់ ១០លានផោនក្នុងមួយឆ្នាំ។ Greenwood នឹងមានការលំបាកក្នុងការស្វែងរកក្លិបថ្មីដើម្បីលេងបាល់ទាត់ឡើងវិញ បន្ទាប់ពីចាកចេញពី Man United ដោយសារការមកដល់របស់គេ ទំនងជានឹងបង្កឱ្យមានប្រតិកម្មអ្នកគាំទ្រក្លិបនោះ៕

អត្ថបទទាក់ទង