ខ្សែការពារ Tierney របស់Arsenal ផ្ទេរទៅReal Sociedadក្នុងលក្ខខណ្ឌខ្ចីជើង

Premier League
August 28th, 2023 (4 weeks)
195 Views
Share

ក្លិប Real Sociedad បានចុះហត្ថលេខាជាមួយខ្សែការពារស្លាបឆ្វេង Kieran Tierney របស់ Arsenal ក្នុងលក្ខខណ្ឌខ្ចីជើងពេញមួយរដូវកាល។

កីឡាករសញ្ជាតិស្កុតឡែន វ័យ ២៦ ឆ្នាំរូបនេះ បានចូលរួមជាមួយ Arsenal ពីក្លិប Celtic ក្នុងឆ្នាំ២០១៩ និងបានលេងច្រើនជាង ១២០ ប្រកួតសម្រាប់ក្លិប។

គេបានបង្ហាញខ្លួន ២៧ ប្រកួតនៅក្របខណ្ឌ Premier League កាលពីរដូវកាលមុន ប៉ុន្តែជាកីឡាករជម្រើស១១នាក់ដំបូងបានតែ ៦ ដងប៉ុណ្ណោះ ខណៈដែល Arsenal បានបញ្ចប់ចំណាត់ថ្នាក់លេខ២តាមពីក្រោយក្រុម Manchester City ។

Tierney បានចូលលេងវគ្គទីពីរ ក្នុងការឈ្នះពានរង្វាន់ Community Shield របស់ Arsenal ទល់នឹង Man City កាលពីដើមខែនេះ ប៉ុន្តែរូបគេមិនស្ថិតក្នុងបញ្ជីឈ្មោះរបស់អ្នកចាត់ការរបស់ក្រុមកាំភ្លើងធំក្នុង៣ប្រកួតកន្លងទៅ នៅដើមរដូវកាល២០២៣-២៤៕

អត្ថបទទាក់ទង