Lukaku មិនប្រើប្រាស់ដោយ Chelsea ត្រៀមផ្ទេរទៅកាន់ Roma

Premier League
August 29th, 2023 (2 years)
685 Views
Share

ខ្សែប្រយុទ្ធ Romelu Lukaku របស់ Chelsea នឹងចូលរួមជាមួយក្រុម Roma ក្នុងក្របខណ្ឌ Serie A ក្នុងលក្ខខណ្ឌខ្ចីជើងពេញមួយរដូវកាល។

កិច្ចព្រមព្រៀងនេះ រួមបញ្ចូលទាំងថ្លៃខ្ចីប្រាក់ ៨ លានផោន ហើយ Roma នឹងរ៉ាប់រងលើប្រាក់ឈ្នួលរបស់កីឡាករអន្តរជាតិបែលហ្ស៊ីកដែលមានវ័យ ៣០ ឆ្នាំ។

ក្លិប Inter Milan ដែលជាគូប្រជែងរបស់ Roma នៅអ៊ីតាលី មានបំណងនាំយក Lukaku ដែលមិនស្ថិតនៅក្នុងផែនការរបស់លោក Mauricio Pochettino ផងដែរ ប៉ុន្តែខ្សែប្រយុទ្ធរូបនេះ មិនសប្បាយចិត្តដែលគ្រូបង្វឹក Simone Inzaghi មិនឱ្យខ្លួនលេងក្នុងការប្រកួតវគ្គផ្តាច់ព្រ័ត្រ Champions League ។

ការផ្លាស់ទៅ Roma មានន័យថា Lukaku នឹងត្រូវជួបជាមួយលោក Jose Mourinho ដែលបានបញ្ចុះបញ្ចូលគេឱ្យចូលរួមជាមួយក្រុម Manchester United នៅពេលដែលគេបានផ្លាស់ទៅកីឡដ្ឋាន Old Trafford ពីក្រុម Everton ក្នុងឆ្នាំ២០១៧។

Lukaku បានផ្លាស់ទៅ Chelsea ពី Inter Milan ក្នុងតម្លៃ ៩៧,៥លានផោនក្នុងខែសីហា ឆ្នាំ២០២១ លើកិច្ចសន្យារយៈពេល ៥ ឆ្នាំសម្រាប់ការចូលរួមជាលើកទីពីរនៅកីឡដ្ឋាន Stamford Bridge ។ រូបគេបានស៊ុតបញ្ចូលទីបាន ១៥ គ្រាប់ក្នុង ៥៩ ប្រកួតសម្រាប់ក្រុមតោខៀវ ក្រោយផ្ទេរពី Inter Milan ៕

អត្ថបទទាក់ទង