ក្លិបAl Ittihadងាកទៅចាប់អារម្មណ៍កីឡាករArsenalនិងMan Utd ក្រោយការផ្ទេរMo Salahមិនទាន់ជោគជ័យ

Premier League
August 29th, 2023 (1 year)
1357 Views
Share

ក្លិប Al Ittihad ត្រូវបានរាយការណ៍ថា កំពុងព្យាយាមនាំយកខ្សែការពារ Gabriel របស់ Arsenal និងខ្សែការពារ Raphael Varane របស់ Manchester United ដើម្បីពង្រឹងប្រព័ន្ធការពាររបស់ខ្លួននៅរដូវកាលនេះ។

ម្ចាស់ជើងឯកក្របខណ្ឌ Saudi Pro League បានដើរតួយ៉ាងសំខាន់ក្នុងការអភិវឌ្ឍលីគកំពូលអារ៉ាប៊ីសាអ៊ូឌីត បន្ទាប់ពីស្វាគមន៍ការមកដល់របស់ Karim Benzema, N’Golo Kante និង Fabinho ដែលសុទ្ធសឹងជាអតីតកីឡាករនៅអឺរ៉ុប។

យោងរបាយការណ៍ជាច្រើន បានអះអាងថា Liverpool បានបដិសេធការដេញថ្លៃ ១២៩ លានផោនពី Al-Ittihad សម្រាប់ខ្សែប្រយុទ្ធ Mohamed Salah កាលពីពេលថ្មីៗនេះ។ Salah អាចនឹងក្លាយជាកីឡាករដែលមានប្រាក់ខែខ្ពស់បំផុតនៅក្នុងប្រទេសអារ៉ាប៊ីសាអ៊ូឌីត។

Al Ittihad ក៏កំពុងពង្រឹងជើងក្រោមរបស់ពួកគេផងដែរ ខណៈត្រៀមប្រកួតប្រជែងនៅក្នុងការប្រកួត Club World Championships ។ អតីតខ្សែការពារក្រុម Real Madrid និង PSG កីឡាករ Sergio Ramos គឺជាជម្រើសមួយ ដោយកីឡាករវ័យ ៣៧ឆ្នាំរូបនេះបានចាកចេញពីកីឡដ្ឋាន Parc des Princes របស់ក្លិប PSG កាលពីចុងរដូវកាលមុន។ ម្ចាស់ជើងឯកអារ៉ាប៊ីសាអូឌីត ក៏បានបង្ហាញពីចំណាប់អារម្មណ៍លើ Gabriel និង Varane ផងដែរ។

Gabriel បានអង្គុយនៅកៅអីបម្រុងសម្រាប់ការប្រកួត ៣លើកកន្លងទៅរបស់ Arsenal នៅដើមរដូវកាលនេះ ហើយមិនត្រូវបានដាក់ឱ្យលេងកាលពីក្រុមកាំភ្លើងធំប្រកួតស្មើ២-២ ជាមួយ Fulham ។ រីឯ Varane បានប្ដូរចេញអំឡុងជ័យជម្នះរបស់ក្រុម Man Utd លើ Nottingham Forest ដោយលទ្ធផល ៣-២ ហើយក៏ជាអ្នករកគ្រាប់បាល់ជ័យជម្នះសម្រាប់ក្រុមបិសាចក្រហមក្នុងការប្រកួតបើកឆាកទល់នឹង Wolves ផងដែរ៕

អត្ថបទទាក់ទង