Raphael Varane ខ្សែការពាររបស់Man Utdម្នាក់ទៀត ជួបបញ្ហារបួស

Premier League
August 30th, 2023 (2 years)
659 Views
Share

Raphael Varane របស់ Manchester United អាចត្រូវសម្រាករយៈពេលយូរ បន្ទាប់ពីរងរបួសពេលប្រកួតជាមួយ Nottingham Forest ក្នុងក្របខណ្ឌ Premier League កាលពីសប្ដាហ៍មុន។

Varane ត្រូវបានជំនួសក្រោយសម្រាកវគ្គទីមួយ ខណៈ Man Utd បានយកឈ្នះ Nott’m Forest ដោយលទ្ធផល ៣-២ ក្នុងការប្រកួតនៅសប្ដាហ៍ទី៣។ លោក Erik ten Hag អ្នកចាត់ការក្រុម Man Utd បានប្រាប់ក្រោយចប់ការប្រកួតថា កីឡាករសញ្ជាតិបារាំងរូបនេះ ត្រូវបានប្ដូរចេញដើម្បីជៀសវាងមានរបួសធ្ងន់ធ្ងរ។ ប៉ុន្តែរបួសរបស់ Varane មិនអាចជៀសរួចឡើយ។

យោងតាមរបាយការណ៍ពី Sky Sports បានឱ្យដឹងថា Varane អាចនឹងអវត្តមានរហូតដល់ ៦ សប្តាហ៍។ នេះក៏អាចជាមូលហេតុដែល Man United មានការស្ទាក់ស្ទើរក្នុងការអនុញ្ញាតឱ្យ Harry Maguire ចាកចេញពីក្លិប។

Varane គឺជាកីឡាករជម្រើសដំបូងក្នុងការប្រកួត៣លើកកន្លងទៅនៅរដូវកាលថ្មីនេះ ដោយបានតែតបាល់បញ្ចូលទីឱ្យ Man Utd ទទួលបានជ័យជម្នះលើក្រុម Wolves នៅថ្ងៃបើកឆាក។

Varane ព្រមទាំង Mason Mount និង Luke Shaw សុទ្ធតែរបួស ដែលមិនអាចលេងទល់នឹង Arsenal នៅថ្ងៃអាទិត្យ ទី៣ ខែតុលា ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN តែមួយគត់ នៅប្រទេសកម្ពុជា ចាប់ពីម៉ោង ១០:២៥ នាទីយប់តទៅ។

Mount នឹងត្រលប់មកវិញបន្ទាប់ពីសម្រាកអន្តរជាតិនៅខែក្រោយ។ ទន្ទឹមនឹងនោះ Shaw អាចនឹងអវត្តមានរហូតដល់ខែវិច្ឆិកា។ ខ្សែការពារស្លាបឆ្វេង Tyrell Malacia ក៏មិនអាចមានវត្តមានដែរដោយសាររបួស៕

អត្ថបទទាក់ទង