Virgil van Dijk ប្រឈមនឹងការពិន័យយូរ ក្រោយចំណាត់ការរបស់សមាគមបាល់ទាត់អង់គ្លេស

Premier League
August 30th, 2023 (2 years)
1285 Views
Share

Virgil van Dijk ត្រូវបានសមាគមបាល់ទាត់អង់គ្លេស ចោទប្រកាន់ពីបទប្រព្រឹត្តមិនសមរម្យលើអាជ្ញាកណ្ដាល បន្ទាប់ពីត្រូវបានបណ្តេញចេញក្នុងការទទួលជ័យជម្នះរបស់ Liverpool លើ Newcastle កាលពីសប្ដាហ៍មុន។

ប្រធានក្រុម Liverpool រូបនេះ ត្រូវបានពិន័យកាតក្រហម នៅនាទីទី២៩ នៅកីឡដ្ឋាន St James’ Park កាលពីថ្ងៃអាទិត្យ សម្រាប់ការបង្កកំហុសទៅលើខ្សែប្រយុទ្ធ Alexander Isak ។ ខ្សែការពាររូបនេះ បានប្រកែកជាមួយលោកអាជ្ញាកណ្តាល John Brooks ខណៈ VAR បានធ្វើការពិនិត្យលើសកម្មភាពរបស់ Van Dijk ឡើងវិញផងដែរ។

ក្រោយមក សមាគមបាល់ទាត់អង់គ្លេស បានថ្លែងថា Van Dijk បានប្រើពាក្យប្រមាថ និងមើលងាយទៅលើអាជ្ញាកណ្ដាលJohn Brooks ។ នៅក្នុងសេចក្តីថ្លែងការណ៍មួយបានឱ្យដឹងថា៖ “Virgil van Dijk ត្រូវបានចោទប្រកាន់ពីបទបំពានច្បាប់ FA E3.1 បន្ទាប់ពីការប្រកួត Premier League របស់ Liverpool ជាមួយ Newcastle United នៅថ្ងៃអាទិត្យទី២៧ ខែសីហា”។
“ខ្សែការពារ ត្រូវបានចោទប្រកាន់ បានប្រព្រឹត្តក្នុងលក្ខណៈមិនសមរម្យ និង/ឬប្រើពាក្យប្រមាថ និង/ឬមាក់ងាយ ចំពោះមន្ត្រីការប្រកួត បន្ទាប់ពីត្រូវបានបណ្តេញចេញនៅនាទីទី២៩”។

ខ្សែការពារកណ្តាលសញ្ជាតិហូឡង់អាយុ ៣២ ឆ្នាំ មានពេលរហូតដល់ថ្ងៃសុក្រសប្ដាហ៍នេះ ដើម្បីឆ្លើយតបទៅនឹងការចោទប្រកាន់ខាងលើ។

បច្ចុប្បន្ននេះ Van Dijk ជាប់បម្រាមមួយប្រកួតសម្រាប់កាតក្រហម ហើយខកខានការប្រកួតបន្ទាប់របស់ Liverpool ជាមួយ Aston Villa នៅក្របខណ្ឌ Premier League៕

អត្ថបទទាក់ទង