Raphael Varane នឹងខកខានជួយ Man UTD ក្នុងជំនួបទល់ Arsenal

Premier League
September 1st, 2023 (1 year)
496 Views
Share

ខ្សែការពារ Raphael Varane នឹងខកខនការធ្វើដំណើរជាមួយនឹង Manchester United សម្រាប់ជំនួបក្របខណ្ឌ Premier League ទល់នឹងក្រុម Arsenal នាថ្ងៃអាទិត្យ ទី៣ ខែកញ្ញា ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN ចាប់ពីម៉ោង១០:២៥នាទីយប់តទៅ។

តាមរយៈការបង្ហោះពីសំណាក់ Man United ក្រោយបញ្ចប់ការប្រកួតយកឈ្នះក្រុម Nottingham Forest លទ្ធផល ៣-២ នាកីឡដ្ឋាន Old Trafford កីឡាករសញ្ជាតិបារាំង បានផ្លាស់ប្តូរចេញត្រឹមវគ្គទីមួយនៃការប្រកួត ដោយបញ្ហារបួស និងត្រូវបន្តអវត្តមានបន្តបន្ទាប់ទៀត។ Varane ទំនង ត្រូវការពេលវេលា ៣ ទៅ ៤ សប្តាហ៍ដើម្បីជាសះស្បើយឡើងវិញ។

អវត្តមានរបស់ Varane នឹងត្រូវជំនួសដោយខ្សែការពារវ័យ ៣០ឆ្នាំ Victor Lindelof សញ្ជាតិស៊ុយអែត សម្រាប់ការប្រកួតទល់នឹងក្រុមកាំភ្លើងធំ។ នេះជាការបញ្ជាក់របស់គ្រូបង្វឹក លោក Erik ten Hag។

បញ្ហាពេលវេលា និងទំហំនៃរបួសរបស់ Varane មិនត្រូវបានគ្រូបង្វឹកជនជាតិហូឡង់វ័យ ៥២ឆ្នាំ បញ្ជាក់នៅឡើយ ដោយរឿងនេះ ត្រូវបានគេរំពឹងថាព័ត៌មាននឹងត្រូវបានផ្តល់បន្ថែមទៀតនាពេលក្រោយ។

Raphael Varane ជាកីឡាករ Manchester United ចុងក្រោយគេ ដែលទទួលរងរបួស ខណៈរូបគេត្រូវបានបញ្ចូលឈ្មោះក្នុងបញ្ជីកីឡាកររបួសដោយរួមមាន Amad Diallo, Rasmus Hojlund, Tyrell Malacia, Mason Mount និង Luke Shaw៕

អត្ថបទទាក់ទង