ខ្សែការពារ Virgil Van Dijk នឹងរងពិន័យពី FA បន្ថែមលើការពិន័យកាតក្រហម ជុំវិញការប្រមាថអាជ្ញាកណ្តាល

Premier League
September 1st, 2023 (1 year)
756 Views
Share

សមាគមបាល់ទាត់អង់គ្លេស FA នឹងដាក់ពិន័យបន្ថែមលើខ្សែការពារ Virgil Van Dijk របស់ក្រុម Liverpool ចំពោះអាកប្បកិរិយាមិនសមរម្យដាក់អាជ្ញាកណ្តាល បន្ទាប់ពីទទួលបានកាតក្រហម អំឡុងការប្រកួត Premier League ដែល Liverpool យកឈ្នះ Newcastle United លទ្ធផល ២-១។

ប្រធានក្រុម Liverpool រូបនេះ ត្រូវបានអាជ្ញាកណ្តាលលោក John Brooks ផ្តល់កាតក្រហមភ្លាមៗចំពោះបញ្ហា ទាក់ជើងកីឡាករក្រុម Newcastle United នៅលើតំបន់ប្រអប់គ្រោះថ្នាក់ អំឡុងពេលខ្សែប្រយុទ្ធរូបនោះ កំពុងមានប្រៀបបណ្តើរបាល់សំដៅទៅកាន់ការស៊ុតបញ្ចូលទី។

ការប៉ះទង្គិចនោះ ត្រូវបានត្រួតពិនិត្យដោយប្រព័ន្ធអាជ្ញាកណ្តាលវីដេអូ VAR ហើយកីឡាករសញ្ជាតិហូឡង់ បានបង្កនូវកាយវិការមិនសមរម្យទៅលើអាជ្ញាកណ្តាលលោក Brooks។

តាមរយៈសេចក្តីប្រកាសពីសំណាក់ FA បាននិយាយដូច្នេះថា បញ្ហានេះត្រូវបានចោទប្រកាន់ថា ខ្សែការពារ Virgil Van Dijk បានប្រព្រឹត្តិក្នុងលក្ខណៈមិនសមរម្យ និងប្រើពាក្យប្រមាថ ចំពោះមន្ត្រីការប្រកួតបន្ទាប់ពីត្រូវបានបណ្តេញចេញនៅនាទី ២៩។

ក្រោពីរងពិន័យពីសំណាក់ FA រួចមក Virgil Van Dijk នឹងត្រូវអវត្តមាន២ប្រកួតរបស់ Liverpool ដោយការពិន័យកាតក្រហម ដោយជំនួបដំបូងជាមួយ Aston Villa នៅថ្ងៃទី៣ ខែកញ្ញា និង Wolverhampton Wanderers នៅថ្ងៃទី១៦ ខែកញ្ញា ក្នុងក្របខណ្ឌ Premier League ៕

អត្ថបទទាក់ទង