Erling Haaland បង្កើតកំណត់ត្រាថ្មីនៅក្របខណ្ឌ Premier League

Premier League
September 4th, 2023 (2 years)
676 Views
Share

ខ្សែប្រយុទ្ធសញ្ជាតិន័រវែស Erling Haaland បានក្លាយជាកីឡាករដែលរួមចំណែករកគ្រាប់បាល់ឱ្យក្រុម Mancheter City ចំនួន ៥០គ្រាប់ ក្នុងនោះរកបាន ៤១គ្រាប់ដោយខ្លួនឯង និង Assist ៩ដង ក្នុងការបង្ហាញខ្លួនត្រឹមតែ ៣៩ ប្រកួតនៅក្របខណ្ឌ Premier League ។

នេះគឺជាកំណត់ត្រាថ្មីមួយនៅក្នុងក្របខណ្ឌ Premier League ដែល Haaland បានបំបែកកំណត់ត្រារបស់ Andrew Cole ដែលរួមចំណែកក្នុងគ្រាប់បាល់ ៥០គ្រាប់ ក្នុង ៤៣ប្រកួត។

Erling Haaland បានធ្វើបានសម្រេចក្នុងការប្រកួត Premier League ក្នុងជ័យជម្នះ ៥-១ របស់ Manchester City ទល់នឹង Fulham ខណៈរូបគេបានក្លាយជាកីឡាកររួមចំណែក ៥០ គ្រាប់ក្នុងការប្រកួតលីគកំពូលអង់គ្លេស។

កីឡាករវ័យ ២៣ ឆ្នាំរូបនេះ ស៊ុតបញ្ចូលទីបាន ៦គ្រាប់រួចមកហើយ ក្នុងការបង្ហាញខ្លួនក្នុងក្របខណ្ឌ Premier League ចំនួន ៤ លើកនៅរដូវកាល ២០២៣-២៤ នេះ។

នៅក្នុងកម្មវិធីប្រកួតទាំងអស់ ខ្សែប្រយុទ្ធរូបនេះបានស៊ុតបញ្ចូលទីបាន ៥៨គ្រាប់ និង Assist ១០ ដងក្នុងការបង្ហាញខ្លួន ៥៩ លើកចាប់តាំងពីចូលរួមជាមួយ Man City ក្នុងខែកក្កដា ឆ្នាំ២០២២។

គោលដៅបន្ទាប់របស់ Haaland គឺឈានទៅដល់កំណត់ត្រារបស់ Alan Shearer ក្នុងការរួមចំណែក ១០០ គ្រាប់ក្នុង ១០០ ប្រកួត៕

អត្ថបទទាក់ទង