ខ្សែប្រយុទ្ធ Mason Greenwood បង្ហាញខ្លួនជាសមាជិកថ្មីក្លិប Getafe ផ្លូវការ

Premier League
September 6th, 2023 (2 years)
727 Views
Share

មានអ្នកគាំទ្ររាប់ពាន់នាក់ បានមកចូលរួមពិធីស្វាគមន៍ការបង្ហាញខ្លួនជាផ្លូវការ របស់ខ្សែប្រយុទ្ធ Mason Greenwood ក្នុងនាមជាសមាជិកថ្មីរបស់ក្លិប Getafe ដែលកម្មវិធីនេះបានដំណើរការឡើងនាកីឡដ្ឋាន Coliseum Alfonso Pérez ជាទឹកដីរបស់ក្លិបផ្ទាល់។

ជាការពិត កីឡាករវ័យ២១ឆ្នាំ បានចាកចេញពីក្លិប Man United ដើម្បីមកចូលរួមជាមួយក្លិប Getafe នៅលីគកំពូលអេស្ប៉ាញក្នុងលក្ខខណ្ឌខ្ចីជើងរហូតដល់ចប់រដូវកាល។

Mason Greenwood បាននិយាយកាលពីខែមុនថា Mason Greenwood នឹងចាកចេញពីទឹកដី Old Trafford ដើម្បីកុំឱ្យមានបញ្ហារំខានញាំញី ទោះបីជារូបគេត្រូវបានជម្រះមន្ទិលពីការចោទប្រកាន់ពីបទរំលោភ និងការប្រើប្រាស់អំពើហិង្សាលើមិត្តស្រីក៏ដោយ។

រូបគេត្រូវបាន Man United ព្យួរឈ្មោះមិនអោយចូលរួមប្រកួត ឬ ហ្វឹកហាត់ កាលពីខែមករាឆ្នាំ ២០២២ នៅពេលដែលការចោទប្រកាន់ប្រឆាំងនឹងរូបគេបានលេចឡើងនៅលើប្រព័ន្ធផ្សព្វផ្សាយសង្គម។
យ៉ាងណា ការចោទប្រកាន់ផ្នែកព្រហ្មទណ្ឌទាំងអស់ដែលប្រឆាំងនឹង Mason Greenwood ត្រូវបានទម្លាក់ចោលនៅក្នុងខែកុម្ភៈ ឆ្នាំ២០២៣ ដោយអយ្យការបាននិយាយថា មិនមានសាក្សីសំខាន់ៗ និងព័ស្តុតាងថ្មីៗ ដើម្បីដាក់បន្ទុកលើកីឡាករនោះទេ។

បន្ទាប់ពីបានប្រកាសពីកិច្ចព្រមព្រៀងខ្ចីជើងជាមួយ Getafe កាលពីសប្តាហ៍មុនរួចមក Man United បាននិយាយនៅក្នុងសេចក្តីថ្លែងការណ៍ថា ការផ្លាស់ប្តូរនេះនឹងអនុញ្ញាតឱ្យ Mason Greenwood ចាប់ផ្តើមកសាងអាជីពរបស់ខ្លួនឡើងវិញ៕

អត្ថបទទាក់ទង