×

Donny van de Beek អាចចាកចេញទៅកាន់ក្លិបនៅកាតា

ខ្សែបម្រើ Donny van de Beek អាចនឹងផ្ទេរពី Manchester United ទៅកាន់ក្លិបនៅកាតា មុនពេលទីផ្សារដោះដូរនៅក្នុងប្រទេសនេះ នឹងត្រូវបិទទ្វារ នៅថ្ងៃទី ១៨ ខែកញ្ញាខាងមុខ។

កីឡាករសញ្ជាតិហូឡង់ ត្រូវបានគេរំពឹងទុកខ្ពស់ថា នឹងចាកចេញពីទឹកដី Old Trafford នៅរដូវក្តៅនេះ ស្របពេលក្លិបអេស្ប៉ាញ Real Sociedad ក៏ត្រូវបានគេរាយការណ៍ថាបានទាក់ទងមកកាន់កីឡាកររូបនេះ ផងដែរ ។

យ៉ាងណាក៏ដោយទីផ្សារនៅអឺរ៉ុប បានបិទទ្វារទៅហើយ ប៉ុន្តែប្រទេសកាតា កំពុងក្លាយជាគោលដៅចម្បងមួយ ដោយក្លិបនៅក្នុងប្រទេសកំពុងតាមដានស្ថានភាពរបស់ Van de Beek យ៉ាងដិតដល់បំផុត។

ក្លិប Man United ត្រូវបានគេរាយការណ៍ផងដែរថា មានឆន្ទៈក្នុងការលក់ Van de Beek ចេញផងដែរ មិនថានៅក្នុងលក្ខខណ្ឌខ្ចីជើង ឬមួយត្រូវលក់ចេញក្នុងលក្ខខណ្ឌអចិន្ត្រៃយ៍ក៏ដោយ ៕

អ្នកអាចចែករំលែកដោយ៖

អត្ថបទទាក់ទង