ប្រធានក្រុម Spurs បង្ហាញការគាំទ្រ Richarlison ក្រោយបង្ហាញការបាក់ទឹកចិត្ត

Premier League
September 18th, 2023 (12 months)
711 Views
Share

Son Heung-min ប្រធានក្រុម Tottenham Hotspur បាននិយាយថា ក្លិបនឹងបន្តគាំទ្រ Richarlison បន្ទាប់ពីខ្សែប្រយុទ្ធប្រេស៊ីលរូបនេះ បានជួយឱ្យពួកគេទទួលបានជ័យជម្នះក្នុងពេលប្រកួតជាមួយនឹងក្រុម Sheffield United ។

កាលពីសប្តាហ៍មុន Richarlison បាននិយាយថានឹងស្វែងរកជំនួយផ្នែកចិត្តសាស្រ្ត នៅពេលគេត្រឡប់ទៅប្រទេសអង់គ្លេសវិញ បន្ទាប់ពីកីឡាករវ័យ ២៦ ឆ្នាំរូបនេះបានយំនៅលើកៅអីបម្រុង នៅពេលត្រូវបានប្តូរចេញអំឡុងពេលដែលប្រេស៊ីលបានយកឈ្នះលើក្រុមបូលីវីដោយលទ្ធផល ៥-១ ក្នុងវគ្គជម្រុះ World Cup ឆ្នាំ ២០២៦ នៅទីក្រុង Belem ។

Richarlison បានស៊ុតបញ្ចូលទីបាន ៥ គ្រាប់ក្នុងការបង្ហាញខ្លួន ៤១ លើកសម្រាប់ Spurs ចាប់តាំងពីចូលរួមពីក្រុម Everton កាលពីខែកក្កដាឆ្នាំមុន។ គ្រាប់បាល់របស់គេទល់នឹង Sheffield Untied កាលពីថ្ងៃសៅរ៍គឺជាគ្រាប់ដំបូងរបស់គេក្នុងលីគចាប់តាំងពីខែមេសា។

Son បាននិយាយថា៖ “វាពិតជាលំបាកសម្រាប់គេ ហើយយើងទាំងអស់គ្នាសង្ឃឹមថាការប្រកួតនេះនឹងជួយឱ្យគេមានទំនុកចិត្តឡើងវិញ។ គេបានផ្លាស់ប្តូរការប្រកួតទាំងមូល។ នោះហើយជាអ្វីដែលពួកយើងកំពុងរង់ចាំ”។

Son ដែលជាប្រធានក្រុមជម្រើសជាតិកូរ៉េខាងត្បូងបានបន្ថែមថា៖ “នេះជាគ្រួសារមួយ។ ខ្ញុំប្រហែលជាសប្បាយចិត្តជាងរូបគេទៅទៀត។ ពួកយើងត្រូវការគេ។ គេពិតជាមានគុណភាពល្អ ប៉ុន្តែទំនុកចិត្តគឺខុសគ្នាខ្លាំង”។

Spurs ដែលមានគម្លាត២ពិន្ទុតាមពីក្រោយក្រុម Manchester City នឹងទៅជួបគូប្រជែងនៅទីក្រុងឡុងដ៍ Arsenal នៅក្នុងការប្រកួតបន្ទាប់ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ CTN នាថ្ងៃអាទិត្យ ទី២៤ ខែកញ្ញា វេលាម៉ោង ៨ យប់តទៅ៕

អត្ថបទទាក់ទង