សំឡេងសន្ទនារបស់មន្ត្រី VAR សម្រាប់ជំនួបរវាង Liverpool និង Spurs អាចនឹងត្រូវបញ្ចេញជាសាធារណៈ

Premier League
October 3rd, 2023 (1 year)
1218 Views
Share

ថ្នាក់គ្រង់គ្រងរបស់អាជ្ញាកណ្តាល ត្រូវបានរាយការណ៍ថា គ្រោងនឹងបញ្ចេញសំឡេងនៃការឆ្លើយឆ្លងរបស់មន្ត្រី VAR អំឡុងការកាត់សេចក្ដីក្នុងការប្រកួតរវាង Liverpool និង Tottenham Hotspur កាលពីថ្ងៃសៅរ៍។

គ្រាប់បាល់របស់ Luis Diaz ត្រូវបានបដិសេធ នៅពេលដែលលោក Darren England ជាមន្ត្រី VAR និងជំនួយការរបស់គាត់គឺលោក Dan Cook ។ Liverpool បានដាក់សម្ពាធទៅលើស្ថាប័នអាជ្ញាកណ្តាលអង់គ្លេស PGMOL កាលពីថ្ងៃចន្ទ ដោយទាមទារឱ្យផ្ដល់ជាសំឡេង ប៉ុន្តែកិច្ចពិភាក្សារបស់ PGMOL នឹងធ្វើឡើងនៅថ្ងៃអង្គារ ថាតើគួរបញ្ចេញនៅពេលណា។

ទោះជាយ៉ាងណាកន្លងមកមានការជំទាស់ថា ការសន្ទនារវាងអាជ្ញាកណ្តាលទីលានលោក Simon Hooper និងលោក Darren England ព្រមទាំងលោក Dan Cook មិនគួរបង្ហាញជាសាធារណៈឡើយ។

Liverpool បានថ្កោលទោសកំហុសនេះនៅក្នុងសេចក្តីថ្លែងការណ៍មួយកាលពីយប់ថ្ងៃអាទិត្យ។ ពួកគេកំពុងស្វែងរកដំណោះស្រាយដ៏សមស្របមួយ។

ស្ថាប័នអាជ្ញាកណ្ដាលអង់គ្លេស មិនត្រឹមតែស៊ើបអង្កេតឧប្បត្តិហេតុកាលពីថ្ងៃសៅរ៍ប៉ុណ្ណោះទេ ប៉ុន្តែថែមទាំងពិនិត្យមើលគោលការណ៍របស់ពួកគេឡើងវិញ ក្នុងការអនុញ្ញាតឱ្យអាជ្ញាកណ្តាលរបស់ពួកគេទទួលយកការងារក្រៅ នៅចន្លោះពេលនៃការប្រកួត Premier League ។

ការពិនិត្យនេះ គឺបន្ទាប់ពីលោក Darren England និងលោក Dan Cook បានទទួលភារកិច្ចសម្រាប់ការប្រកួតមួយ នៅប្រទេសអារ៉ាប់រួម កាលពីយប់ថ្ងៃព្រហស្បត៍សប្ដាហ៍មុន ពោលគឺប្រហែល ២ថ្ងៃ មុនការប្រកួតរវាង Liverpool និង Spurs នៅទីក្រុងឡុងដ៍៕

អត្ថបទទាក់ទង