មេលីគអារ៉ាប៊ីសាអ៊ូឌីត បើកទ្វារចំហរសម្រាប់ Mo. Salah

Premier League
October 12th, 2023 (1 year)
500 Views
Share

លោក Michael Emenalo នាយកនៃក្របខណ្ឌ Saudi Pro League គឺជាអ្នកពេញចិត្តលើ Mohamed Salah ជាខ្លាំង ចំពេលមានពាក្យចចាមអារ៉ាមថា តារា Liverpool អាចផ្លាស់ប្តូរទៅកាន់មជ្ឈិមបូព៌ា។

Salah ត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្រុម Al Ittihad របស់ Saudi Pro League ក្នុងអំឡុងពេលទីផ្សារដោះដូរកីឡាករកន្លងទៅ ប៉ុន្តែ Liverpool បានច្រានចោលសំណើ ១៥០ លានផោននៅចុងខែសីហា។

កីឡាករសញ្ជាតិអេហ្ស៊ីបរូបនេះ ត្រូវបានចាត់ទុកថាជាគោលដៅដ៏ធំបំផុតមួយរបស់លីគអារ៉ាប៊ីសាអ៊ូឌីត នៅរដូវកាល២០២៣-២៤។

លោក Michael Emenalo បានទទួលស្គាល់ថា Salah គឺជាកីឡាករបាល់ទាត់ដែលគាត់ចូលចិត្តបំផុតនៅលើពិភពលោក ហើយនឹងស្វាគមន៍គ្រប់ពេលវេលាទៅកាន់ Saudi Pro League ។

គាត់បាននិយាយថា៖ “Mo [Salah] ត្រូវបានស្វាគមន៍គ្រប់ពេលវេលា។ ប៉ុន្តែគ្មាននរណាម្នាក់ស្ថិតនៅក្រោមសម្ពាធ ឬការបង្ខំឱ្យមកនោះទេ។
គាត់ជាចំណូលចិត្តផ្ទាល់ខ្លួនរបស់ខ្ញុំ។ ប្រសិនបើគាត់ចង់មក ហើយមានឱកាសធ្វើការជាមួយក្លិបក្នុងលក្ខណៈអាជីព យើងនឹងសប្បាយចិត្តណាស់ដែលមានគាត់”។

Salah មានទម្រង់លេងដ៏អស្ចារ្យនៅដើមរដូវកាល ២០២៣-២៤ ដោយបានចូលរួមចំណែកគ្រាប់បាល់ ១០ គ្រាប់នៅគ្រប់កម្មវិធីប្រកួតទាំងអស់ រហូតមកដល់ពេលនេះ៕

អត្ថបទទាក់ទង