គ្រូ Spurs សរសើរចំពោះការខិតខំប្រឹងប្រែងរបស់កូនក្រុមក្នុងជ័យជម្នះលើ Fulham

Premier League
October 24th, 2023 (11 months)
415 Views
Share

លោក Ange Postecoglouអ្នកចាត់ការទូទៅរបស់ Tottenham Hotspur បានសរសើរចំពោះការខិតខំប្រឹងប្រែងរបស់កូនក្រុមសម្រាប់ការទទួលជ័យជម្នះ ២-០ របស់ក្រុមរបស់គាត់លើក្រុម Fulham បន្ទាប់ពីក្រុមមាន់ខ្នាយមាស បានត្រលប់មកកាន់កំពូលតារាងនៃក្របខណ្ឌ Premier League ។

គ្រាប់បាល់របស់ Son Heung-min និង James Maddison បានធានា ៣ពិន្ទុសម្រាប់ក្រុមម្ចាស់ផ្ទះនៅកីឡដ្ឋាន Tottenham Hotspur កាលពីយប់មិញ។

លោក Postecoglou ក៏បានកោតសរសើរចំពោះការរួមចំណែករបស់ Pierre-Emile Hojbjerg ដែលបានចាប់ផ្តើមជំនួស Yves Bissouma ដែលត្រូវបានព្យួរ។

គ្រូបង្វឹកសញ្ជាតិអូស្ត្រាលីបាននិយាយថា៖ “ខ្ញុំគិតថាការ Press របស់យើងគឺអស្ចារ្យសម្រាប់ការប្រកួតទាំងមូល ហើយប្រហែលជានៅក្នុងវគ្គទី១ យើងអាចរកបានមួយឬពីរគ្រាប់បន្ថែមទៀតដើម្បីធានាជ័យជម្នះ”។

ប៉ុន្តែលោកបន្តថា៖ “ខ្ញុំពិតជាខកចិត្តក្នុងវគ្គទី២។ យើងលេងមិនទាន់ដល់កម្រិតរបស់យើងទេ ហើយយើងត្រូវតែប្រាកដថា យើងរក្សាវិន័យរបស់យើង ពីព្រោះអ្នកចាំទីបានធ្វើការសង្គ្រោះដ៏អស្ចារ្យជាច្រើនដើម្បីរក្សា Clean Sheet ហើងយើងគួរតែមានការគ្រប់គ្រងបាល់ប្រសើរឡើងជាងនេះ”។

Postecoglou អាយុ ៥៨ឆ្នាំបានចាកចេញពី Celtic ទៅ Spurs បន្ទាប់ពីបានឈ្នះពានរង្វាន់លីគកំពូលរបស់ប្រទេសស្កុតឡែនជាប់ៗគ្នាក្នុងពីររដូវកាលរបស់គាត់ដែលដឹកនាំ។

គាត់បានក្លាយជាអ្នកចាត់ការអចិន្ត្រៃយ៍ទី៤ របស់ Spurs ចាប់តាំងពីលោក Mauricio Pochettino បានដឹកនាំពួកគេទៅកាន់វគ្គផ្តាច់ព្រ័ត្រនៃក្របខណ្ឌ Champions League ក្នុងរដូវកាល២០១៨-១៩ បន្ទាប់ពីការដឹកនាំរបស់លោក Jose Mourinho, Nuno Espirito Santo និង Antonio Conte បាននាំមកក្លិបទទួលបានចំណាត់ថ្នាក់កំពូលទាំង៤ចំនួន១លើក៕

អត្ថបទទាក់ទង