Gabriel Jesus ជួយឱ្យ Arsenal ឈ្នះSevilla តែមានបញ្ហារបួសខ្លួនឯងក្រោយចប់ការប្រកួត

Premier League
October 25th, 2023 (1 year)
681 Views
Share

Gabriel Jesus បានស៊ុតបាល់បញ្ចូលទី១គ្រាប់ និងបញ្ជូនឱ្យ Gabriel Martinelli សម្រេចបាន១គ្រាប់ ដើម្បីជួយឱ្យ Arsenal ទទួយជ័យជម្នះលើ Sevilla ក្នុងការប្រកួតនៃក្របខណ្ឌ Champions League កាលពីយប់មិញ។

បន្ទាប់ពីចាញ់ដោយលទ្ធផល ២-១ លើ Lens ក្នុងការប្រកួតមុន ក្រុមកាំភ្លើងធំ បានយកឈ្នះលើក្រុមម្ចាស់ជើងឯក Europa League ចំនួន ៧ សម័យកាល នៅក្នុងប្រទេសអេស្ប៉ាញ។

Gabriel Martinelli បានបើកការស៊ុតបាល់បញ្ចូលទីក្នុងការប្រកួតក្របខណ្ឌ Champions League ជាលើកដំបូងរបស់ខ្លួនតាមរយៈបាល់ចេញពី Jesus នៅនាទីទី៤៥បូក៣។ នៅវគ្គទី២ Jesus បានបង្កើនគ្រាប់បាល់នាំមុខរបស់ Arsenal ជាមួយនឹងការស៊ុតបាល់បញ្ចូលទីដ៏អស្ចារ្យ នៅនាទីទី៥៣ ដែលជាគ្រាប់បាល់ទី៣ក្នុង៣ប្រកួតនៅ Champions League របស់រូបគេ។ Sevilla បានវាយបកបានត្រឹមតែ១គ្រាប់ ពីការតែតរបស់ Nemanja Gudelj ។

ក្រោយមក ក្រុមរបស់លោក Mikel Arteta បានជួបជាមួយនឹងបញ្ហារបួសរបស់ Jesus សាជាថ្មី ដែលត្រូវបានបញ្ជាក់ថា ជារបួសសរសៃពួរ ប៉ុន្តែ Arsenal បានរក្សាលទ្ធផលនេះរហូតដល់ចប់ការប្រកួត ដើម្បីឈរនៅលើកំពូលតារាងក្នុងពូល B ។

ប្រកួតបន្ទាប់ Arsenal នឹងទទួលក្រុមភ្ញៀវ Sheffield United នៅក្នុងការប្រកួតក្របខណ្ឌ Premier League សប្ដាហ៍ទី១០ ដែលនឹងមានផ្សាយបន្តផ្ទាល់ផ្ដាច់មុខនៅលើកញ្ចក់ទូរទស្សន៍ MyTV តែមួយគត់ នាថ្ងៃសៅរ៍ ទី២៨ ខែតុលា ចាប់ពីម៉ោង ២១:០០ តទៅ៕

អត្ថបទទាក់ទង